షేక్‌హ్యాండా? బాబోయ్‌ వద్దు.. జర్మనీ ఛాన్స్‌లర్‌కి కరోనా ఎఫెక్ట్‌

కరోనా భూతం ప్రపంచం మొత్తాన్ని వణికిస్తోంది. కరోనా వైరస్ దెబ్బకు మూడు వేల మంది మరణించారు. చైనా పుట్టిన ఈ వైరస్ అన్ని దేశాలను చూట్టేసింది. దీంతో ఎబ్యూహెచ్ఓ హెల్త్ ఎమర్జెన్సీ ప్రకటించింది. కరోనా ధాటికి కరచాలనం చేయాలంటే భయపడుతున్నారు. అయితే ఈ జర్మనీలో కరోనా వైరస్‌ సంబంధించి ఇప్పటి వరకూ 157 కేసులు నమోదయ్యాయి. జర్మనీలో జరిగిన అత్యున్నత స్థాయి సమావేశంలో ఆ దేశ ఛాన్స్‌లర్‌ ఏంజెలా మెర్కెల్‌ కరోనా షాక్ తగిలింది. పూర్తి వివరాల్లో వెళ్లే..

జర్మనీ రాజధాని బెర్లిన్‌లో ఓ అత్యున్నత స్థాయి సమావేశం నిర్వహించారు. ఈ భేటీకి ఆ దేశ ఛాన్స్‌లర్‌ ఏంజెలా మెర్కెల్ హాజరయ్యారు, ఏంజెలా సమావేశానికి వస్తూ.. అంతర్గత వ్యవహారాల మంత్రి హోర్స్ట్‌ సీహోఫర్‌కు షేక్‌ హ్యాండ్‌ ఇవ్వడానికి ప్రయత్నించారు. అయితే ఆయన మాత్రం షేక్‌హ్యాండ్‌ ఇవ్వడానికి తన చేతిని ఇవ్వకుండా పలుకరిస్తూ ఓ నవ్వు నవ్వారు. వెంటనే అర్థం చేసుకున్న ఏంజెలా మెర్కెల్‌ నవ్వూతూ తన చైర్ వద్దకు వెళ్లి కూర్చు్న్నారు.

ఈ సంఘటన చూసిన వారంతా ‎విషయం అర్థం కావటంతో నవ్వుకున్నారు. ఈ నేపథ్యంలో ఛాన్స్‌లర్‌ ఏంజెలా మెర్కెల్, వ్యవహారాల మంత్రి హోర్స్ట్‌ సీహోఫర్‌ చోటుచేసుకున్న ఘటనకు సంబంధించిన వీడియో సోషల్ మీడియాలో చక్కర్లుకొడుతోంది. కరోనా వైరస్‌ విజృంభిస్తున్న తరుణంలో ఇతరులకు షేక్‌హ్యాండ్‌ ఇవ్వకపోవడమే మంచిదని వైద్యులు సూచిస్తొన్న సంగతి తెలిసిందే.