Israel: యెమెన్‌పై ఇజ్రాయెల్ సైన్యం భారీ వైమానిక దాడి..హౌతీలపై ఐఈడీలతో బీభత్సం

Israel: యెమోన్ ఇజ్రాయోల్ మధ్య యుద్ధవాతావరణం నెలకొంది. యెమెన్ పై ఇజ్రాయెల్ సైన్యం భారీ వైమానిక దాడికి పాల్పడింది. టెల్ అవీవ్ విమానాశ్రయంపై యెమెన్ నుంచి వచ్చిన శక్తివంతమైన క్షిపణి దాడికి ఇజ్రాయెల్ సైన్యం విధ్వంసకర ప్రతిస్పందనను ఇచ్చింది. ఇజ్రాయెల్ సైన్యం (ఐడిఎఫ్) దాడి కారణంగా యెమెన్‌లో భూమి కంపించింది. ఈ దాడి ఎంత విధ్వంసకరం అంటే బాంబుల శబ్దం యెమెన్ అంతటా భయాందోళనలను సృష్టించింది. యెమెన్ ఆకాశాన్ని ఎర్రటి అగ్ని జ్వాలలు ముద్దాడుతున్నాయి.

ఇజ్రాయెల్ చేసిన ఈ భారీ దాడికి సంబంధించిన వీడియో కూడా బయటపడింది. దీన్ని చూడటం ద్వారా దాని భయానకతను ఊహించవచ్చు. యెమెన్‌లోని ఎర్ర సముద్రం నగరమైన హొడైడాలో హౌతీ తిరుగుబాటుదారులపై ఒకేసారి బహుళ ఫైటర్ జెట్‌లను ఉపయోగించి భారీ వైమానిక దాడులు నిర్వహించినట్లు ఇజ్రాయెల్ సైన్యం తెలిపింది. ఇజ్రాయెల్ ప్రధాన విమానాశ్రయంపై ఇరాన్ మద్దతుగల హౌతీ తిరుగుబాటుదారులు క్షిపణులను ప్రయోగించిన ఒక రోజు తర్వాత ఈ దాడి జరిగింది.

ఇజ్రాయెల్ నిర్వహించిన ఈ ప్రధాన వైమానిక దాడిలో వందలాది మంది హౌతీలు , ఇతరులు భారీ సంఖ్యలో మరణించినట్లు తెలుస్తోంది. అయితే, మృతుల సంఖ్య ఇంకా వెల్లడి కాలేదు. ఇజ్రాయెల్ దాడికి సంబంధించిన అనేక భయానక వీడియోలు వివిధ హ్యాండిళ్ల నుండి సోషల్ మీడియాలో షేర్ అవుతున్నాయి. వీటిని చూస్తే దాని భయానకతను ఊహించవచ్చు. హౌతీ తిరుగుబాటుదారుల మీడియా కార్యాలయం ప్రకారం, అమెరికా, ఇజ్రాయెల్ సోమవారం మధ్యాహ్నం కనీసం ఆరు దాడులు నిర్వహించాయి. ఇవి కీలకమైన హోడైడా ఓడరేవును లక్ష్యంగా చేసుకున్నాయి. హొడైడా ప్రావిన్స్‌లోని బాజిల్ జిల్లాలోని సిమెంట్ ఫ్యాక్టరీని లక్ష్యంగా చేసుకుని ఇతర దాడులు జరిగాయని తిరుగుబాటుదారులు తెలిపారు.

ఇజ్రాయెల్ సైన్యం యెమెన్ నగరం హొడైడాపై ఒకేసారి 50 కి పైగా శక్తివంతమైన ఇజ్రాయెల్ బాంబులను జారవిడిచింది. ఈ దాడులు యెమెన్‌లో భయాందోళనలకు కారణమయ్యాయి. ఇజ్రాయెల్ ప్రధాన మంత్రి బెంజమిన్ నెతన్యాహు మొత్తం ఆపరేషన్‌ను ప్రత్యక్ష ప్రసారంలో వీక్షించారు. పాలస్తీనాలో హమాస్, లెబనాన్‌లో హిజ్బుల్లా తర్వాత, యెమెన్‌లో హౌతీలను పూర్తిగా నాశనం చేసే వరకు ఇజ్రాయెల్ సైన్యం విశ్రమించదని ఆయన ప్రతిజ్ఞ చేశారు.