Coronavirus: కరోనావైరస్ సంక్షోభం.. ఆర్థిక మంత్రి ఆత్మహత్య

కరోనావైరస్ కారణంగా వచ్చే సంక్షోభాన్ని దృష్టిలో ఉంచుకొని తీవ్ర ఆందోళన చెందుతున్న జర్మనీకి చెందిన హెస్సీ రాష్ట్ర ఆర్థిక మంత్రి థామస్ షాఫెర్ (54) ఆత్మహత్యకు పాల్పడ్డారు. ఆయన మృతదేహన్ రైలు పట్టాల వద్ద పడివుంది. ఆర్ధిక మంత్రి ఆత్మహత్య విషయాన్నీ హెస్సీ రాష్ట్ర గవర్నర్ వోల్కర్ బౌఫియర్ ఆదివారం తెలిపారు. ఆయన చనిపోయారన్న విషయం మమ్మల్ని షాక్ కు గురిచేసింది..

ఈ కష్ట సమయంలో ఖచ్చితంగా ఆయనే మాకు అవసరమయ్యే అతనే ఆత్మహత్య చేసుకోవడం చాలా బాధ కలిగిస్తోంది.. అని బౌఫియర్ రికార్డ్ చేసిన ప్రకటనలో తెలిపారు. పదేళ్లపాటు హెస్సీ యొక్క ఫైనాన్స్ చీఫ్‌గా ఉన్న మిస్టర్ షాఫెర్, మహమ్మారి యొక్క ఆర్థిక ప్రభావాన్ని ఎదుర్కోవటానికి కంపెనీలు మరియు కార్మికులకు సహాయపడటానికి "పగలు మరియు రాత్రి" పనిచేస్తున్నారని బౌఫియర్ గుర్తుచేసుకున్నాడు.

మిస్టర్ షాఫెర్ (54) శనివారం రైల్వే ట్రాక్ సమీపంలో చనిపోయి పడివున్నాడు.. ఆయన ఆత్మహత్య చేసుకొని మరణించాడని నమ్ముతున్నట్టు వైస్‌బాడెన్ ప్రాసిక్యూషన్ కార్యాలయం పేర్కొంది. ఆయన గత కొంతకాలంగా కరోనా వైరస్ కారణంగా తీవ్రమైన ఒత్తిడిలో ఉన్నారు. వైరస్ ద్వారా వచ్చిన ఆర్ధిక సంక్షోభాన్ని ఎలా ఎదుర్కోవాలో తీవ్రంగా మాధానపడ్డారని అధికారులు తెలిపారు.. ఈ ఒత్తిడి భరించలేకే ఆత్మహత్య చేసుకొని ఉండి ఉంటారని భావిస్తున్నారు.

కాగా హెస్సీ రాష్ట్రం జర్మనీ యొక్క ఆర్థిక రాజధాని ఫ్రాంక్‌ఫర్ట్‌కు నిలయంగా ఉంది. ఇక్కడ డ్యూయిష్ బ్యాంక్ మరియు కమెర్జ్‌బ్యాంక్ వంటి ప్రధాన రుణదాతలు తమ ప్రధాన కార్యాలయాన్ని కలిగి ఉన్నాయి. యూరోపియన్ సెంట్రల్ బ్యాంక్ ఫ్రాంక్‌ఫర్ట్‌లో కూడా ఉంది. హెస్సీ రాష్ట్రంలో మంచి జనాదరణ పొందిన గౌరవనీయమైన వ్యక్తి షాఫెర్.. చాలాకాలంగా బౌఫియర్‌కు వారసుడిగా పేరుపొందాడు. బౌఫియర్ పార్టీకి చెందిన సెంటర్-రైట్ సిడియు పార్టీలో ఇద్దరు చాలా కాలంగా పనిచేస్తున్నారు. ఆ పార్టీలో వారిద్దరూ కీలకంగాను కాకుండా మంచి స్నేహితులుగాను కూడా ఉన్నారు. షాఫెర్ కు భార్య మరియు ఇద్దరు పిల్లలు ఉన్నారు. వారు తీవ్రమైన దుఃఖంలో ఉన్నారు.