Talibans: తమ డబ్బులు తమకు ఇవ్వకుంటే ఇబ్బందులు తప్పవు

Talibans: ఆర్థిక సంక్షోభంతో అల్లాడుతున్న నేపధ్యంలో తాలిబన్లు మరోసారి అగ్రరాజ్యంపై వార్నింగ్ కామెంట్స్ చేశారు. తాలిబన్లు ఆప్ఘనిస్థాన్‌ను చేజిక్కించుకున్న తర్వాత ఆ దేశానికి చెందిన నిధులను అమెరికా స్తంభింపజేసింది. ఈ నేపథ్యంలో తాలిబన్ ప్రభుత్వం నిధులు లేక అల్లాడిపోతోంది. విదేశాల నుంచి వచ్చే దిగుమతులు కూడా తగ్గిపోవడంతో ఆప్ఘనిస్థాన్‌లో ఆహార సమస్య కూడా అంతకంతకూ పెరుగుతోంది. ఈ వింటర్ సీజన్‌లో ఆహార సమస్య మరింత పెరిగే ఛాన్స్ కనిపిస్తోంది. ఇలాంటి పరిస్థితుల్లో అమెరికా, సహా పలు దేశాలకు తాలిబన్లు హెచ్చరికలు చేశారు.

తమకు రావాల్సిన 9 బిలియన్ డాలర్లను వెంటనే విడుదల చేయాలని అగ్రరాజ్యం అమెరికాకు తాలిబన్లు స్పష్టం చేశారు. లేనిపక్షంలో ఆఫ్ఘనిస్థాన్ నుంచి వలసలు పెరుగుతాయని ఆ వలసలతో ప్రపంచ దేశాలు ఇబ్బంది పడే అవకాశం ఉంటుందని హెచ్చరించారు. తమ సెంట్రల్ నిధులను, ఆస్తులను అమెరికా స్తంభింపజేయడం ఆశ్చర్యకరంగా ఉందని తాలిబన్ నేతలు వ్యాఖ్యానించారు. ఇదే సమయంలో దోహా ఒప్పందానికి విరుద్ధంగా అమెరికా ప్రవర్తిస్తోందని ఫైర్ అయ్యారు.