GATE 2021: రెస్పాన్స్ షీట్స్ విడుదల.. డౌన్ లోడ్ ఇలా!

Gate 2021 పరీక్షను ఇండియ‌న్ ఇనిస్ట్యూట్ ఆఫ్ టెక్నాల‌జీ (IIT Bombay) ఫిబ్ర‌వ‌రి 6, 7, 13,14 తేదీల్లో నిర్వ‌హించిన విష‌యం తెలిసిందే. ఎంఈ, ఎంటెక్, ఎం ఆర్క్, పీచ్ డీ లో ప్ర‌వేశాల కోసం 8,82,684 మంది అప్లై చేయ‌గా, 78 శాతం మంది మాత్ర‌మే పరీక్షకు హాజ‌రైన‌ట్లు నిర్వ‌హాకులు తెలిపారు.

అయితే అభ్య‌ర్ధులు రాసిన జ‌వాబు పత్రాలను (Response Sheets‌) గురువారం నాడు అధికారులు విడుద‌ల చేశారు.‌ జ‌వాబు ప‌త్రాల కోసం gate.iitb.ac.in వెబ్ సైట్లోకి లాగిన్ చేసి, ఎన్ రోల్మెంట్ ఐడీ, పాస్ వ‌ర్డ్ లాంటి వివ‌రాలు ఎంట‌ర్ చేసి డౌన్ లోడ్ చేసుకోవ‌చ్చు. గేట్ 2021 ఫలితాలను మార్చి 22న విడుదల చేయనున్న‌ట్లు అధికారులు తెలిపారు.