logo
సినిమా

రణబీర్ నాకు రెడ్ హ్యాండెడ్ గా పట్టుబడ్డాడు.. అందుకే దూరమయ్యా: దీపికా

రణబీర్ నాకు రెడ్ హ్యాండెడ్ గా పట్టుబడ్డాడు.. అందుకే దూరమయ్యా: దీపికా
X
Highlights

బాలీవుడ్ లో ప్రేమలు, బ్రేకప్ లు సర్వసాధారణం. కానీ అక్కడి మీడియా మాత్రం ఈ విషయాలపై దృష్టి ఎక్కువగా...

బాలీవుడ్ లో ప్రేమలు, బ్రేకప్ లు సర్వసాధారణం. కానీ అక్కడి మీడియా మాత్రం ఈ విషయాలపై దృష్టి ఎక్కువగా పెడుతుంటుంది. బాలీవుడ్ స్టార్ హీరో రణబీర్ కపూర్ గతంలో సోనమ్ కపూర్, కత్రినా కైఫ్, దీపికా పడుకొనే ఇలా చాలా మంది హీరోయిన్లతో డేటింగ్ చేశాడు. ప్రస్తుతం అతడు అలియా భట్ తో సన్నిహితంగా మెలుగుతూ కనిపిస్తున్నాడు. కొన్నేళ్ల క్రితం దీపికా-రణబీర్ ల గురించి పలు వార్తలు వచ్చాయి. ఆమె ఏకంగా రణబీర్ కపూర్ పేరుని రెండు అక్షరాలుగా పచ్చబొట్టు కూడా వేయించుకుంది. అంతగా ప్రేమించుకున్న జంట సడెన్ గా విడిపోయారు. బ్రేకప్ అయిన తరువాత చాలా సార్లు ఆమె రణబీర్ విమర్శలు చేసింది. కానీ ఎప్పుడూ కూడా ఎందుకు విడిపోయారని విషయంపై క్లారిటీ ఇవ్వలేదు. తాజాగా ఈ విషయంపై ఓపెన్ అయింది దీపికా.

ఒక అనుబంధంలో ఉన్నప్పుడు తన పార్ట్ నర్ ను తానెప్పుడూ మోసం చేయలేదని దీపిక తెలిపింది. నమ్మిన వ్యక్తిని మోసం చేస్తే, ఆ అనుబంధానికి విలువ ఏముంటుందని ప్రశ్నించింది. రణబీర్ తనకు రెడ్ హ్యాండెడ్ గా దొరికిపోయాడని... మరో అవకాశం ఇవ్వాలని ప్రాధేయపడ్డాడని చెప్పింది. అయితే, మరోసారి ఫూల్ కాకూడదనే ఉద్దేశంతోనే అతనికి దూరమయ్యానని తెలిపింది. విడిపోయిన తర్వాత మానసికంగా కుంగిపోయానని... ఆ తర్వాత ఆ విషాదం నుంచి నెమ్మదిగా బయటపడ్డానని చెప్పింది.

Next Story