కరుణానిధి విగ్రహాన్ని ఆవిష్కరించిన సోనియా గాంధీ

దివంగత నేత, తమిళనాడు మాజీ ముఖ్యమంత్రి కరుణానిధి కాంస్య విగ్రహాన్ని కాంగ్రెస్ పార్టీ మాజీ అధ్యక్షురాలు సోనియాగాంధీ ఆవిష్కరించారు.ఇవాళ (ఆదివారం) తమిళనాడు వెళ్లిన సోనియా గాంధీ అన్నా అరివాలయంలోని డీఎంకే ప్రధాన కార్యాయంలో జరిగిన కరుణానిధి విగ్రహావిష్కరణ కార్యక్రమంలో పాల్గొన్నారు. ఈ సందర్బంగా కరుణానిధి విగ్రహాన్ని ఆవిష్కరించి ఆయన చేసిన సేవలను గుర్తుచేసుకున్నారు. కాగా ఈ కార్యక్రమంలో కేరళ, ఆంధ్రప్రదేశ్ ముఖ్యమంత్రులు పినరయి విజయన్, చంద్రబాబు నాయుడు పాల్గొన్నారు. కాంగ్రెస్ అధ్యక్షుడు రాహుల్‌ గాంధీ, సీతారాం ఏచూరి, రజనీకాంత్, శత్రుఘ్నసిన్హా, వైగోలతో పాటు తదితర జాతీయ, రాష్ట్ర నేతలు విగ్రహావిష్కరణకు హాజరయ్యారు.