‘షకీలా’ బయోపిక్ ఫస్ట్‌లుక్

ఒకప్పుడు మాలీవుడ్ లో శృంగార తార షకీలా ఓ సంచలనం..ఆమె సినిమాలకు ఎంత క్రేజ్ ఉండేదంటే..స్టార్ హీరోల సినిమాలు సైతం పోస్ట్ పోన్ చేసుకునే పరిస్థితి ఏర్పడేది. మాలీవుడ్ లోనే కాకుండా తెలుగు, తమిళ, కన్నడ ఇండస్ట్రీలో కూడా షకీలా పలు సినిమాల్లో నటించింది. ఈ మద్య సినీ తారల బయోపిక్ లు వస్తున్న నేపథ్యంలో షకీలా జీవిత కథ ఆధారంగా ఓ సినిమా తీయబోతున్నారు. ‘షకీలా’ బయోపిక్ గురించి స్టేట్‌మెంట్ రావడమే ఆలస్యం చకచకా పనులు జరిగిపోతున్నాయి. ఆగష్టు నుంచి సెట్స్‌పైకి వెళ్తుందని వార్తలొచ్చినప్పటికీ.. జులై చివరలో చిత్రీకరణ మొదలైపోయింది. ప్రస్తుతం కర్ణాటక తీర్థహళ్ళిలోని ఓ స్మాల్ టౌన్‌లో హీరోయిన్‌పై కీలక సన్నివేశాలను షూట్ చేస్తున్నాడు డైరెక్టర్ ఇంద్రజిత్ లంకేష్.

దీనికి సంబంధించి ఫస్ట్ లుక్‌ని విడుదలైంది. రిచాచ‌ద్దా పూర్తిగా కేరళ ట్రెడిషనల్ లుక్‌లో కనిపించింది. ఈ పాత్ర తనకు ఛాలెంజ్ లాంటిదని అంటోంది. షకీలా ఇప్పటికీ ఓ లెజెండ్ అని, ఆమె పాత్రకు పూర్తి న్యాయం చేయాలన్నదే తన ఆలోచనగా చెప్పుకొచ్చింది. షకీలా.. యుక్త వయసు నుంచి పాపులర్ తారగా ఎదగడం వరకు సుదీర్ఘంగా సాగిన సినీ ప్రస్థానాన్ని గుర్తు చేసిన హీరోయిన్, నిజంగా తనకు ఛాలెంజింగ్ రోల్ అంటోంది. వాస్తవిక పాత్రను సెల్యూలాయిడ్‌లోకి మలుస్తున్న సినీ మేకర్స్‌ని అభినందించింది. హీరోయిన్‌గా రాణించాలని గ్లామర్ ఇండస్ర్టీలోకి వచ్చిన షకీలా, శృంగారతార‌గా ఎలామారిందో కళ్లకు కట్టినట్టు చూపించనున్నాడు డైరెక్టర్.