యువకుడిని చితకబాదిన పవన్ అభిమానులు
పవర్‌స్టార్ పవన్కల్యాణ్ పోస్టర్‌ను చెప్పుతో కొట్టిన ఓ యువకుడిని పవన్ ఫ్యాన్స్ చితకబాదారు. తెలిసో తెలియకో ఆ కుర్రాడు చేసిన పనికి పవన్ అభిమానులు ఆగ్రహించి అతడ్ని తీవ్రంగా కొట్టారు. ఆ కుర్రాడి చేత క్షమాపణలు చెప్పించారు. ఈ వీడియోను వెబ్‌లో అప్‌లోడ్ చేసి.. పవన్‌ని దూషించే ఎవరికైనా ఇలాంటి శాస్తి తప్పదని హెచ్చరించారు. త్రివిక్రమ్‌ దర్శకత్వంలో పవన్కల్యాణ్ నటించిన చిత్రం అజ్ఞాతవాసి. సంక్రాంతికి ముందు విడులైన ఈ చిత్రం బాక్సాఫీస్‌ వద్ద ఫెయిలైంది. దీంతో అభిమానులు సైతం నిరాశలో కూరకుపోయారు.
తన నాయకుడు నటించిన ఆఖరి చిత్రం బ్లాక్‌ బస్టర్‌ కావాలని కోరుకున్నారు. కానీ ప్లాప్‌ టాక్‌ సొంతం చేసుకుంది. దీంతో పవన్ అభిమానులు సైతం బహిరంగానే సినిమాపై తమ అసంతృప్తి వెల్లగక్కారు. సోషల్‌ మీడియా వేదికగా పలు కామెంట్లు పెట్టారు. ఫేస్‌బుక్‌, ట్విటర్‌, ఇన్‌స్టాగ్రామ్‌లలో వీడియోలు పోస్టు చేశారు. అలాగే ఓ పవన్ కల్యాణ్‌ అభిమాని కూడా అజ్ఞాతవాసి బాగాలేదంటూ సోషల్‌ మీడియాలో వీడియో పోస్టు చేశాడు. ఆ వీడియో చూసి ఇతర అభిమానులు రెచ్చిపోయారు. సోషల్‌ మీడియాలో వీడియో పెట్టిన వ్యక్తిని వెతికి మరీ పట్టుకొని చితక బాదారు. పవన్ కల్యాణ్‌ ఫోటోకు మొక్కాలంటూ పిడిగుద్దులు కురిపించారు. పవన్ గురించి ఏమనుకుంటున్నావ్‌ అంటూ విచక్షణారహితంగా దాడి చేశారు.
Video of pawanfans beating an youngster so badly !
The victim isn't innocent either - he did first mistake by hitting poster w/ chappals see both in video
Though these fans' fights are trivial , uploading them to web , terrorizing all others about same assault is dangerous pic.twitter.com/aLGssY4LgO — Telugu360 (@Telugu360) January 18, 2018
