చరిత్ర సృష్టించిన నటుడు రాజేంద్రప్రసాద్

తెలుగు సినిమా ఇండస్ట్రీ మరో అరుదైన గౌరవం దక్కించుకుంది. అయితే ఆ గౌరవం నటకిరీటి రాజేంద్రప్రసాద్ ద్వారా వచ్చింది. ఆస్ట్రేలియా ప్రభుత్వం నటుడు రాజేంద్రప్రసాద్ ను జీవిత సాఫల్య పురస్కారంతో సత్కరించింది. సిడ్నీ పార్లమెంట్ హాలులో అవార్డు వేడుకలు అట్టహాసంగా జరిగాయి. ఈ వేడుకలకు పలువురు సినీ ప్రముఖులు హాజరయ్యారు. ఆస్ట్రేలియా సాంస్కృతిక శాఖ ఆధ్వర్యంలో జరిగిన ఈ వేడుకలకు వివిధ సినీ వర్గాలు హాజరయ్యాయి. భారతదేశం నుంచి రాజేంద్రప్రసాద్ ను ఎంపిక చేసి ఈ అరుదైన గౌరవాన్ని కల్పించింది. నటుడిగా విశిష్ట సేవలు అందించిన ఆయనకు ఈ అవార్డు దక్కింది. కాగా భారత్ నుంచి ఈ పురస్కారం అందుకున్న తొలి నటుడుగా రాజేంద్రప్రసాద్ చరిత్ర సృష్టించారు.