PM Kisan: రైతులకు గుడ్‌న్యూస్.. విడుదలైన పీఎం కిసాన్ 15వ విడత.. మీ అకౌంట్‌లో డబ్బు జమ కాలేదా.. అయితే, ఇలా చేయండి..!

PM Kisan News: సుదీర్ఘ నిరీక్షణ తర్వాత, ఈరోజు పీఎం కిసాన్ లబ్ధిదారుల బ్యాంకు ఖాతాలకు రూ.2000లు అందాయి. ఈరోజు జార్ఖండ్‌లోని ఖుంటి నుంచి, ప్రధానమంత్రి నరేంద్రమోడీ డీబీటీ ద్వారా 8 కోట్ల మంది రైతుల ఖాతాలకు పీఎం కిసాన్ 15వ విడతగా రూ. 16,000 కోట్లకు పైగా బదిలీ చేశారు.

పీఎం కిసాన్ 15వ విడతగా రూ. 2000 మీ ఖాతాకు వస్తుందో లేదో తనిఖీ చేయడానికి, మీరు ఇప్పుడు మీ స్టేటస్‌ను తనిఖీ చేయాలి. స్టేషన్‌ను తనిఖీ చేయడానికి, మీరు మీ మొబైల్ లేదా ల్యాప్‌టాప్‌లో ఈ దశలను అనుసరించాలి.

ముందుగా PM కిసాన్ అధికారిక వెబ్‌సైట్ https://pmkisan.gov.in/కి వెళ్లండి.

ఇక్కడ కుడి వైపున 'ఫార్మర్స్ కార్నర్' ఎంపిక చేసుకోవాలి.

ఇక్కడ 'నో యువర్ స్టేటస్' ఆప్షన్‌పై క్లిక్ చేయండి.

ఇక్కడ కొత్త పేజీ తెరవబడుతుంది.

కొత్త పేజీలో మీ రిజిస్ట్రేషన్ నంబర్‌ను నమోదు చేయండి.

దీని తర్వాత 'గెట్ డేటా'పై క్లిక్ చేయండి.

ఇక్కడ క్లిక్ చేసిన తర్వాత మీరు అన్ని లావాదేవీల గురించి సమాచారాన్ని పొందుతారు. అంటే మీ ఖాతాకు ఏ ఇన్‌స్టాల్‌మెంట్ వచ్చింది, ఏ బ్యాంకు ఖాతాలో జమ అయిందనే తెలుసుకోవచ్చు.

మీకు SMS అందకపోతే ఇలా చేయండి: PM కిసాన్ యోజన కింద 12.54 కోట్ల మంది రైతులు నమోదు చేసుకున్నారు. నేడు దాదాపు నాలుగు కోట్ల మంది రైతుల ఖాతాల్లోకి డబ్బులు చేరవు. ఇప్పుడు ఈ మొత్తం డిసెంబర్ 31, 2023 వరకు మిగిలిన అర్హులైన రైతుల ఖాతాల్లోకి చేరవచ్చు. అయినప్పటికీ, మీ ఖాతాలోకి వచ్చే డబ్బు SMS మీకు అందకపోతే, చింతించవద్దు. మీ ఆన్‌లైన్ స్టేటస్‌ను తనిఖీ చేయండి. అలాగే, ఈ నంబర్‌లను సంప్రదించండి.

PM కిసాన్ టోల్ ఫ్రీ నంబర్: 18001155266

PM కిసాన్ హెల్ప్‌లైన్ నంబర్: 155261

PM కిసాన్ ల్యాండ్‌లైన్ నంబర్లు: 011—23381092, 23382401

PM కిసాన్ కొత్త హెల్ప్‌లైన్: 011-24300606

PM కిసాన్‌కు మరో హెల్ప్‌లైన్ ఉంది: 0120-6025109

ఈ-మెయిల్ ID: [email protected]