SBI: ఎస్‌బీఐలో ఖాతా ఉన్నవారికి షాక్... ఆ సమయంలో డబ్బులు పంపడం అసాధ్యం!

స్టేట్ బ్యాంక్ ఆఫ్ ఇండియా (SBI) యూపీఐ వినియోగదారులకు ముఖ్యమైన సమాచారం. బ్యాంక్ ప్రకటించిన ప్రకారం, ఆగస్టు 6న అర్ధరాత్రి 1:00 గంటల నుంచి 1:20 గంటల వరకు యూపీఐ సేవలు తాత్కాలికంగా నిలిచిపోతాయి. ఇది ఎస్‌బీఐ ప్లాన్ చేసిన మెయింటెనెన్స్ పనుల భాగంగా జరుగుతోంది.

యూపీఐ డౌన్ అయినా… యూపీఐ లైట్‌ పనిచేస్తుంది!

ఈ సమయంలో ప్రధాన యూపీఐ సేవలు అందుబాటులో లేకపోయినా, యూపీఐ లైట్‌ మాత్రం యాక్టివ్‌గా ఉంటుంది. బ్యాంక్ ప్రకటన ప్రకారం, "అసౌకర్యానికి మేము చింతిస్తున్నాం. యూపీఐ లైట్ ద్వారా లావాదేవీలు చేయొచ్చు" అని తెలిపింది.

ముందుగా ప్లాన్ చేసుకుంటే ఇబ్బంది ఉండదు

మీరు ట్రాన్సాక్షన్లు ముందే ప్లాన్ చేసుకుంటే — అంటే యూపీఐ లైట్‌లో డబ్బు లోడ్ చేసుకుంటే — ఆ సమయంలో సులభంగా చెల్లింపులు చేసేయొచ్చు. లేకపోతే, మెయిన్ యూపీఐ లావాదేవీలు ఫెయిల్ కావొచ్చు.

యూపీఐ లైట్ అంటే ఏమిటి?

యూపీఐ లైట్ అనేది చిన్న మొత్తాల డిజిటల్ చెల్లింపుల కోసం రూపొందించబడిన ఫీచర్. ఇది మొబైల్‌లో ఉండే మినీ వాలెట్ లాంటిది. ముఖ్యంగా నెట్‌వర్క్ బలహీనంగా ఉన్న ప్రాంతాల్లో ఫాస్ట్ పేమెంట్స్‌కి ఇది ఉపయోగపడుతుంది. దీనివల్ల యూపీఐ పిన్ అవసరం లేకుండా చెల్లింపులు చేయొచ్చు.

యూపీఐ లైట్ యాక్టివేట్ చేయడం ఎలా?

మీ యూపీఐ యాప్ (Google Pay / PhonePe / Paytm) ఓపెన్ చేయండి

హోమ్ స్క్రీన్‌లో "UPI Lite" ఆప్షన్ సెలెక్ట్ చేయండి

షరతులు చదివి, లోడ్ చేయదలిచిన మొత్తం ఎంటర్ చేయండి

ఎస్‌బీఐ ఖాతా ఎంచుకుని యూపీఐ పిన్ ఎంటర్ చేయండి

అంతే, యూపీఐ లైట్ యాక్టివ్ అయిపోతుంది

పరిమితులు ఏంటీ?

ఒక్క లావాదేవీకి గరిష్టంగా రూ. 1,000 మాత్రమే పంపొచ్చు

UPI Lite వాలెట్‌లో గరిష్టంగా రూ. 5,000 వరకు మాత్రమే మెయింటెయిన్ చేయొచ్చు

ఎవరికైనా ఉపయోగపడుతుంది?

చిన్న వ్యాపారులు, విద్యార్థులు, రూటిన్‌ చెల్లింపులు చేసే వారు — అందరికీ ఇది సులభతరం. బ్యాంక్ కనెక్టివిటీ అవసరం లేకుండా, తక్షణమే చెల్లింపులు చేసేయొచ్చు.

కాబట్టి ఆగస్టు 6 అర్ధరాత్రి యూపీఐ సేవలు నిలిచినా… టెన్షన్ వద్దు. యూపీఐ లైట్‌తో ట్రాన్సాక్షన్లు సమర్థవంతంగా కొనసాగించొచ్చు.