PM Kisan 19th Installment: ఫిబ్రవరి 24 లోపు రైతులు ఈ పని చేయాలి.. అప్పుడే రూ. 2000లు వస్తాయి..!

PM Kisan 19th Installment: రైతులకు ఆర్థిక సహాయం అందించడానికి భారత ప్రభుత్వం 2019 లో ప్రధాన మంత్రి కిసాన్ సమ్మాన్ నిధి (PM-Kisan) పథకాన్ని ప్రారంభించింది. ఈ క్రమంలోనే రైతులకు గుడ్ న్యూస్ అందింది. మరో ఐదు రోజుల తర్వాత 19వ విడతలో రూ.2000 వారి ఖాతాల్లోకి వస్తాయి. ఫిబ్రవరి 24న ప్రధాని మోదీ బీహార్‌లోని భాగల్పూర్‌కు చెందిన రైతుల ఖాతాల్లో ప్రధాన మంత్రి కిసాన్ సమ్మాన్ నిధి యోజన డబ్బును జమ చేస్తారు. కాగా 18వ విడతను ప్రధానమంత్రి అక్టోబర్ 5న మహారాష్ట్రలోని వాషిమ్ నుండి విడుదల చేశారు.

ప్రభుత్వం ఇప్పటివరకు 18 విడతలు విడుదల చేసింది. తొమ్మిది కోట్లకు పైగా రైతుల ఖాతాలకు రూ.20,000 కోట్లు బదిలీ అయ్యాయి. ఈ పథకం కింద అర్హత కలిగిన రైతులకు సంవత్సరానికి రూ. 6,000 ఆర్థిక సహాయం అందించనుంది. రైతుల బ్యాంకు ఖాతాల్లో ఒక్కొక్కరికి రూ. 2,000 చొప్పున మూడు విడతలుగా జమ చేస్తారు.

19వ విడతకు e-KYC అవసరం

ప్రధాన్ మంత్రి కిసాన్ సమ్మాన్ నిధి యోజన కోసం రైతులు e-KYC చేయడం తప్పనిసరి. PM కిసాన్ వెబ్‌సైట్ ద్వారా ఇంట్లోనే ఉండి స్మార్ట్‌ఫోన్ నుండి e-KYC చేయవచ్చు. దీని కోసం రైతులు http://pmkisan.gov.in వెబ్‌సైట్‌ను సందర్శించాలి. ఇక్కడ ఫార్మర్ కార్నర్ అని రాసి ఉంటుంది. దీని కింద e-KYC ఆఫ్షన్ కనిపిస్తుంది. దీనిపై క్లిక్ చేయాలి. తర్వాత మీ ఆధార్ నంబర్‌ను నమోదు చేయాలి. ఇలా చేయడం ద్వారా రిజిస్టర్డ్ మొబైల్ నంబర్‌కు OTP వస్తుంది. OTP ని నింపిన తర్వాత మీ e-KYC ప్రక్రియ పూర్తవుతుంది.

పేరు ఇలా ఉందో లేదో చెక్ చేయండి

ప్రధానమంత్రి కిసాన్ యోజన లబ్ధిదారుల జాబితా ఆన్‌లైన్‌లో అందుబాటులో ఉంది. దీని సహాయంతో రైతులు ప్రధాన్ మంత్రి కిసాన్ సమ్మాన్ నిధి 19వ విడతను పొందుతారో లేదో సులభంగా తనిఖీ చేయవచ్చు. జాబితాలో మీ పేరు ఇలా ఉందో లేదో తనిఖీ చేయండి.

* ప్రధాన్ మంత్రి కిసాన్ సమ్మాన్ నిధి యోజన అధికారిక వెబ్‌సైట్ https://pmkisan.gov.in/ కి వెళ్లండి. ఇప్పుడు రైతు మూలపై క్లిక్ చేయండి.

* ఒక కొత్త పేజీ ఓపెన్ అవుతుంది.

* ఇక్కడ లబ్ధిదారుల జాబితా ఆఫ్షన్ ఎంచుకోవాలి.

* ఒక ఫారమ్ ఓపెన్ అవుతుంది. దీనిలో ముందుగా రాష్ట్రం, తరువాత జిల్లా, బ్లాక్, గ్రామం పేరును ఎంచుకోండి.

* సమాచారం అంతా నింపిన తర్వాత get report పై క్లిక్ చేయండి.

* ఇలా చేస్తే మీ గ్రామానికి చెందిన ప్రధాన మంత్రి కిసాన్ యోజన లబ్ధిదారుల జాబితా ఓపెన్ అవుతుంది.

* జాబితాలో మీ పేరు ఉంటే, డబ్బు కూడా మీ ఖాతాలోకి వస్తుంది.