మోడీ సర్కార్ మరో కొత్త స్కీం.. ఇక అందరూ కోటీశ్వరులే..!

GST Reward Scheme: ప్రధానమంత్రి నరేంద్రమోదీ(Narendra Modi) నేతృత్వంలోని కేంద్ర ప్రభుత్వం కొత్త పథకాన్ని ప్రారంభించింది. సెప్టెంబర్ 1న జీఎస్టీ రివార్డ్ స్కీమ్.. మేరా బిల్లు మేరా అధికార్ అనే కొత్త స్కీం ప్రారంభమైంది. ఈ రివార్డ్ స్కీం కోసం కేంద్ర, రాష్ట్ర ప్రభుత్వాలు ప్రస్తుత ఆర్థిక సంవత్సరానికి 30 కోట్లను పక్కన పెట్టాయి. ఈ మేరా బిల్ మేరా అధికార్ మొబైల్ యాప్‌ను ఇప్పటివరకు లక్షలాది మందికి పైగా డౌన్‌లోడ్ చేసుకున్నారని ప్రభుత్వ ప్రతినిధులు చెబుతున్నారు. ఈ పథకం ద్వారా కస్టమర్లు జీఎస్టీ బిల్లులను కోరేలా ప్రోత్సహించడం, పన్ను మోసాలను తగ్గించడం ప్రభుత్వ ముఖ్య ఉద్దేశం. ఇప్పుడు ఈ పథకం గురించి అన్ని వివరాలను తెలుసుకుందాం.

ఈ పథకం కోసం ఎక్కడ, ఎలా దరఖాస్తు చేయాలి? ఈ పథకం కింద ఎవరైనా లబ్ధి పొందవచ్చు. వినియోగదారులు జీఎస్టీ(GST) బిల్లులను సరిగ్గా అప్‌లోడ్ చేసి రూ. కోటి గెలుచుకోవచ్చు. కానీ, కనీసం రూ. 200 విలువైన బిల్లు తప్పనిసరిగా సబ్మిట్ చేయాల్సి ఉంటుంది. ముందుగా ‘మెరా బిల్-మెరా అధికార్’ యాప్‌ను ప్లే స్టోర్ నుంచి డౌన్‌లోడ్ చేయాలి. బదులుగా, వెబ్‌సైట్ web.merabill.gst.gov.in లాగిన్ అయి కూడా బిల్లులను అప్‌లోడ్ చేయవచ్చు. అయితే, ఒక్క వ్యక్తి నెలకు గరిష్టంగా 25 బిల్లులు మాత్రమే అప్‌లోడ్ చేయగలరు.

ఈ పథకం కింద, మనం ఎక్కడైనా ఏదైనా కొనుగోలు చేసినా, రసీదు/బిల్లు/GST ఇన్‌వాయిస్‌ను అడగాలి. దీన్ని మేరా బిల్ మేరా అధికార్ యాప్‌లో అప్‌లోడ్ చేయాలి. లక్కీ డ్రాల ద్వారా విజేతలను నిర్ణయిస్తారు. ప్రతి నెలా 810 లక్కీ డ్రాలు ఉంటాయి. ప్రతి 3 నెలలకు ఒకసారి బంపర్ లక్కీ డ్రాలు ఉంటాయి. నెలవారీ లక్కీ డ్రాలలో ఒక్కో విజేతకు 800 మందికి రూ.10 వేలు అందజేస్తారు. ప్రైజ్ మనీతో 10 లక్కీ డ్రాలు ఉంటాయి. ఒక్కొక్కరికి 10 లక్షలు. ప్రైజ్ మనీతో రెండు లక్కీ డ్రాలు ఉంటాయి. ప్రతి 3 నెలలకు 1 కోటిలను అందజేస్తారు.

ఈ పథకంలో పాల్గొనాలనుకునే వారు ముందుగా మేరా బిల్ మేరా అధికార్ యాప్‌(Mera Bill Mera Adhikar App)ను డౌన్‌లోడ్ చేసుకోవాలి. ఇది Google Play Store, App Storeలో అందుబాటులో ఉంది. web.merabill.gst.gov.in పోర్టల్‌ని సందర్శించడం ద్వారా కూడా పాల్గొనవచ్చు. మీరు మీ ఫోన్ నంబర్‌తో నమోదు చేసుకోవాలి. మీరు మీ బ్యాంక్ ఖాతా నంబర్, పాన్ కార్డ్ , ఆధార్ కార్డ్ వివరాలను అందించాలి.

నగదు బహుమతికి అర్హత పొందడానికి, ప్రతి వ్యక్తి తప్పనిసరిగా 200 కంటే ఎక్కువ జీఎస్టీ బిల్లులను సమర్పించాలి. రూ.200 లోపు బిల్లులు చెల్లవు. జీఎస్టీ ఎగవేతను అరికట్టాలనే లక్ష్యంతో ఈ పథకాన్ని ప్రవేశపెట్టారు. సెంట్రల్ బోర్డ్ ఆఫ్ పరోక్ష పన్నులు, కస్టమ్స్ అటువంటి పథకాన్ని ప్రమోట్ చేస్తే, ప్రజలు తరచుగా జీఎస్టీ బిల్లుల కోసం అడుగుతారని అభిప్రాయపడ్డారు. అప్పుడు జీఎస్టీ ఎగవేత జరగదు.

ప్రస్తుతం ఆరు రాష్ట్రాలు, కేంద్ర పాలిత ప్రాంతాల్లో పైలట్ ప్రాజెక్టుగా మేరా బిల్లు మేరా అధికార్ జీఎస్టీ లక్కీ డ్రాను తీసుకువచ్చారు. ప్రైజ్ మనీకి వెచ్చించే మొత్తాన్ని కేంద్ర, రాష్ట్ర ప్రభుత్వాలు సమానంగా భరిస్తాయి. ఈ పథకం వల్ల ప్రజలకు, వినియోగదారులకు, ప్రభుత్వానికి మేలు జరుగుతుంది. ఈ పథకం అస్సాం, గుజరాత్, హర్యానా, పుదుచ్చేరి, డామన్ డయ్యూ, దాద్రా నగర్ హవేలీ కేంద్ర పాలిత ప్రాంతాలలో ప్రారంభించబడింది.