Bank Holidays: బ్యాంక్ ఉద్యోగులకు గుడ్‌న్యూస్.. ఇకపై 5 రోజులే వర్కింగ్.. జులై 28న కీలక నిర్ణయం..!

5 Days A Week: బ్యాంక్ కస్టమర్‌లకు పెద్ద వార్త రాబోతోంది. ప్రతి వారం బ్యాంకు సెలవుల్లో కీలక మార్పు రావొచ్చు. ఇది ఇంకా పరిశీలనలో ఉంది. అంతా సవ్యంగా సాగితే బ్యాంకు ఉద్యోగులకు కూడా వారానికి 2 రోజులు సెలవులు రానున్నాయి. అంటే బ్యాంకు ఉద్యోగులు కూడా వారానికి 2 రోజులు మాత్రమే పని చేయాల్సి ఉంటుంది. దీనికి సంబంధించి ఇండియన్ బ్యాంకింగ్ అసోసియేషన్ (ఐబీఏ) సమావేశం నిర్వహించి, ఆ తర్వాత నిర్ణయం తీసుకోనుంది.

జులై 28న సమావేశం..

ఇండియన్ బ్యాంకింగ్ అసోసియేషన్ (IBA), యునైటెడ్ ఫోరమ్ ఆఫ్ బ్యాంక్ యూనియన్స్ (UFBU) సమావేశంలో ఈ విషయంపై కీలక నిర్ణయం తీసుకోనున్నారు. జులై 28న జరిగే ఈ సమావేశంలో బ్యాంకులకు సెలవులపై నిర్ణయం తీసుకోనున్నారు.

గత సమావేశంలోనే ప్రస్తావనకు ఈ అంశం..

యునైటెడ్ ఫోరమ్ ఆఫ్ బ్యాంక్ యూనియన్స్ ప్రకారం, గత సమావేశంలో, 5 రోజులు పని చేసే అంశాన్ని చర్చించారు. చర్చలు జరుగుతున్నాయని, సమస్య పరిశీలనలో ఉందని ఇండియన్ బ్యాంక్స్ అసోసియేషన్ తెలిపింది. UFBU ప్రకారం, దీనికి సంబంధించిన పనులు వేగంగా జరుగుతున్నాయి.

5 రోజుల పనిదినాలు అమలైతే..

5 రోజుల పని ప్రతిపాదన అమలు చేయబడితే, ఉద్యోగులందరి రోజువారీ పని గంటలు 40 నిమిషాలు పెరుగుతాయి. ఈ నెల 28న దీనిపై సమావేశం జరిగింది. ఈ సమావేశంలో పలు కీలక అంశాలు చర్చకు వచ్చే అవకాశం ఉంది. దీనితో పాటు ఆర్థిక మంత్రిత్వ శాఖ, ఆర్‌బీఐ ఆమోదం కూడా పొందాల్సి ఉంటుంది.

ప్రస్తుత నియమాలు?

ప్రస్తుత నిబంధనల గురించి మాట్లాడితే, రెండవ, నాల్గవ శనివారాలలో బ్యాంకులకు సెలవులు ఉంటాయి. దీంతోపాటు ఉద్యోగులు మూడో, మొదటి శనివారాల్లో పని చేస్తున్నారు. ప్రస్తుతం ఉద్యోగులు వారానికోసారి 2 రోజులు సెలవులు ఇవ్వాలని డిమాండ్ చేయడంతో ఈ నిర్ణయం తీసుకున్నారు.

LICలో 5 రోజుల పని విధానం..

LICలో 5 రోజుల పని దినం విధానం అమలవుతోంది. ఆగస్టు నెలలో సెలవుల జాబితా గురించి మాట్లాడితే, వచ్చే నెలలో బ్యాంకులలో 14 రోజులు సెలవులు ఉంటాయి. అయితే ఈ సమయంలో మీరు ఆన్‌లైన్ బ్యాంకింగ్ సౌకర్యాలను సద్వినియోగం చేసుకోవచ్చు.