logo
వ్యాపారం

Purchase of House: ఇల్లు కొనాలని అనుకుంటున్నారా? ఆ బ్యాంక్ నుంచి మంచి అవకాశం.. ఏమిటో తెలుసుకోండి!

Do you want to Purchase House then Bank of Baroda Giving Big Deal know About that | Bank of Baroda Offers
X

బ్యాంకు అఫ్ బరోడా (ఫోటో- ది హన్స్ ఇండియా)

Highlights

*బ్యాంక్ ఆఫ్ బరోడా (BOB) తన అధికారిక ట్విట్టర్ హ్యాండిల్‌లో దీని గురించి ట్వీట్ చేసింది.

Bank of Baroda: మీరు కూడా ఖరీదైన ఇల్లు, షాప్ లేదా భూమిని చౌకగా కొనాలనుకుంటే, ఇది మీకు మంచి అవకాశం. ప్రభుత్వ బ్యాంకు ఆఫ్ బరోడా చౌకగా ఇళ్లు, భూమి, దుకాణాలు ఎలాంటి బ్రోకరేజీ లేకుండా కొనుగోలు చేసే అవకాశాన్ని కల్పిస్తోంది. BoB అంటే బ్యాంక్ ఆఫ్ బరోడా డిఫాల్ట్ జాబితాలో ఆస్తులను విక్రయించాలని నిర్ణయించింది. దీని కోసం వేలం ప్రక్రియ నిర్వహించనున్నారు.

ఇందులో నివాస, వాణిజ్య, పారిశ్రామిక వంటి అన్ని రకాల ఆస్తులు ఉన్నాయి. ఈ వేలంలో మీరు చౌకైన ఇంటిని కొనుగోలు చేయవచ్చు. వేలం ప్రక్రియ మరో మూడు రోజుల్లో అంటే, అక్టోబర్ 8 నుండి ప్రారంభమవుతుంది.

వేలం ఎప్పుడు జరుగుతుంది?

బ్యాంక్ ఆఫ్ బరోడా (BOB) తన అధికారిక ట్విట్టర్ హ్యాండిల్‌లో దీని గురించి ట్వీట్ చేసింది. మెగా ఈ-వేలం అక్టోబర్ 08, 2021 న నిర్వహించబడుతుందని బ్యాంక్ ఒక ట్వీట్‌లో రాసింది. ఇందులో నివాస,వాణిజ్య ఆస్తుల ఇ-వేలం ఉంటుంది. మీరు ఇక్కడ ఆస్తిని సరసమైన ధర వద్ద కొనుగోలు చేయవచ్చు.

వేలం ప్రక్రియలో పాల్గొనడానికి మీరు ఏమి చేయాలి?

ఆసక్తి గల బిడ్డర్లు బ్యాంక్ ఆఫ్ బరోడా మెగా ఇ-వేలంలో పోర్టల్‌లో నమోదు చేసుకోవాలి. ఈ పోర్టల్‌లోని 'బిడ్డర్స్ రిజిస్ట్రేషన్' పై క్లిక్ చేసిన తర్వాత, మొబైల్ నంబర్, ఇమెయిల్ ఐడి ద్వారా రిజిస్ట్రేషన్ చేయాలి. బ్యాంక్ ఏ ఆస్తులను వేలం వేస్తున్నదో పూర్తి వివరాలు https://ibapi.in లో అందుబాటులో ఉన్నాయి.

ఈ ఆస్తులలో దేనిని బ్యాంక్ వేలం వేస్తుంది?

బ్యాంకు నుంచి రుణం పొందిన వారు తమ నివాస ఆస్తి లేదా వాణిజ్య ఆస్తిని తాకట్టు పెడతారు. రుణగ్రహీత రుణాన్ని తిరిగి చెల్లించలేకపోతే, అటువంటి సందర్భంలో రుణాన్ని తిరిగి పొందడానికి బ్యాంక్ తనఖా పెట్టిన ఆస్తిని వేలం వేస్తుంది. బ్యాంకు సంబంధిత శాఖలు వార్తాపత్రికలు మరియు ఇతర మీడియాలో ప్రకటనలను ప్రచురిస్తాయి.

ఇ-వేలంలో ఎలా పాల్గొనాలి?

ఇ-వేలంలో పాల్గొనడానికి రిజిస్ట్రేషన్ అవసరం. దీని కోసం, సంబంధిత ఆస్తి డిపాజిట్ జమ చేయాలి. KYC పత్రాలను సంబంధిత బ్యాంకు శాఖలో చూపించాలి.

వేలంలో పాల్గొనే వ్యక్తికి డిజిటల్ సంతకం అవసరం. మీరు ఇతర అధీకృత ఏజెన్సీల ద్వారా ఇ-వేలంలో పాల్గొనవచ్చు.

సంబంధిత బ్యాంకు శాఖలో మొత్తాన్ని డిపాజిట్ చేసిన తర్వాత, మీ డాక్యుమెంట్‌లను చూపించిన తర్వాత, లాగిన్ ఐడి, పాస్‌వర్డ్ మీ అధికారిక ఇమెయిల్ ఐడికి వస్తాయి. నియమాలను పాటించడం ద్వారా మీరు ఈ వేలం ప్రక్రియలో పాల్గొనవచ్చు.

Web TitleDo you want to Purchase House then Bank of Baroda Giving Big Deal know About that | Bank of Baroda Offers
Next Story