Budget Expectations 2025: రూ.8 లక్షల వరకు ఆదాయంపై పన్ను ఉండదు.. మధ్య తరగతికి గుడ్ న్యూస్?

Budget Expectations 2025: నేడు ప్రవేశ పెట్టబోవు భారతదేశ సాధారణ బడ్జెట్ మధ్యతరగతికి పెద్ద శుభవార్తను అందిస్తుందని చాలా మంది ఆశగా ఎదురుచూస్తున్నారు. మధ్యతరగతికి ఉపశమనం కలిగించడానికి భారత ప్రభుత్వం పెద్ద ఎత్తున సన్నాహాలు చేస్తోంది. దీని కింద, ప్రజలపై పన్ను భారం పెరగకుండా ఉండటానికి పన్ను శ్లాబ్‌లో కొన్ని మార్పులు చేయవచ్చు. దీనివల్ల వారి చేతుల్లో ఎక్కువ నగదు ఉంటుంది. పెరుగుతున్న ద్రవ్యోల్బణాన్ని వారు సులభంగా ఎదుర్కోగలుగుతారు. ఇది మధ్యతరగతి వర్గాలలో వినియోగం పెరగడం వల్ల వినియోగదారుల మార్కెట్లో విజృంభణకు దారితీస్తుంది.. మొత్తం ఆర్థిక వ్యవస్థలో మెరుగుదలకు కూడా దారితీయవచ్చు. ఎకనామిక్ టైమ్స్ నివేదిక ప్రకారం.. రూ. 8 లక్షల వరకు వార్షిక ఆదాయంపై పన్ను విధించకుండా ఉండే అవకాశం ఉంది. శనివారం బడ్జెట్‌ను సమర్పిస్తున్నప్పుడు ఆర్థిక మంత్రి నిర్మలా సీతారామన్ దీనిని ప్రకటించవచ్చు.

పన్ను రేటు 25శాతమే

కొత్త పన్ను విధానాన్ని మధ్యతరగతికి ప్రయోజనకరంగా మార్చడంపై భారత ప్రభుత్వం దృష్టి సారించింది. ఏదేమైనా 72 శాతం మంది కొత్త పన్ను విధానంలోకి వచ్చారు. కేవలం 28 శాతం మంది మాత్రమే పాత పన్ను విధానం కింద ఉన్నారు. కొత్త పన్ను విధానం ప్రకారం, భారత ప్రభుత్వం వార్షిక ఆదాయం రూ. 8 లక్షల వరకు పన్నును రద్దు చేసి, ఆపై పన్ను విధించదగిన ఆదాయంపై 25 శాతం పన్ను విధించవచ్చు. ఇది అనేక తగ్గింపులు, మినహాయింపులను కూడా తొలగించగలదు. 2025 బడ్జెట్ ఆదాయపు పన్ను పరంగా మధ్యతరగతికి పెద్ద బహుమతిగా పరిగణించవచ్చు.

రూ.3 లక్షల నుంచి రూ.3.5 లక్షలకు పెంపు

ఎకనామిక్ టైమ్స్ నివేదిక ప్రకారం.. భారత ప్రభుత్వం ఆదాయపు పన్నులో ప్రాథమిక మినహాయింపు పరిమితిని రూ. 3 లక్షల నుండి రూ. 3.5 లక్షలకు పెంచవచ్చు. అధిక ద్రవ్యోల్బణం ఉన్న ఈ యుగంలో ప్రజలు తమ రోజువారీ అవసరాలకు ఖర్చు చేయడంలో ఉపశమనం కలిగిస్తుంది. గత సంవత్సరం ఆదాయపు పన్ను మినహాయింపు పరిమితిని 10 శాతం నుండి 14 శాతానికి పెంచారు. ఈసారి, NPS స్లాబ్‌లో డిక్షన్ పెరుగుతుందని అంచనా. ఇప్పటివరకు NPSలో సంవత్సరానికి రూ. 50,000 వరకు సహకారంపై ఎటువంటి మినహాయింపు లేదు. ఈసారి జీతం లేని తరగతికి ప్రయోజనం చేకూర్చడానికి ప్రభుత్వం దీన్ని చేయవచ్చు.