Star Rating: భద్రతలో మోస్ట్ పవర్ ఫుల్ ఎస్‌యూవీ.. 5 స్టార్ సేఫ్టీ రేటింగ్.. రూ. 20కిమీల మైలేజీతో ఫిదా చేస్తోన్న టాటా కార్..!

SUV with 5 Star Safety Rating: గత కొన్నేళ్లుగా, కస్టమర్లలో కార్ల కొనుగోలుకు సంబంధించిన ట్రెండ్ మారిపోయింది. ఇప్పుడు ప్రజలు మైలేజీపైనే కాకుండా భద్రతపై కూడా చాలా శ్రద్ధ చూపుతున్నారు. అలాగే, ఇప్పుడు కారు కస్టమర్లలో SUV కూడా మొదటి ఎంపికగా మారింది. మీరు కూడా తక్కువ బడ్జెట్‌లో సురక్షితమైన SUV కోసం చూస్తున్నట్లయితే రూ. 7 లక్షల కంటే తక్కువ ఖరీదు చేసే, 5 స్టార్ సేఫ్టీ రేటింగ్‌తో వచ్చే SUV గురించి తెలుసుకుందాం..

నిజానికి మనం ఇక్కడ టాటా పంచ్ గురించి మాట్లాడుకుంటున్నాం. ఇది భారతదేశంలో 5 స్టార్ సేఫ్టీ రేటింగ్‌తో లభించే చౌకైన కాంపాక్ట్ SUV. ఈ SUV గ్లోబల్ NCAP నుంచి 5 స్టార్ సేఫ్టీ రేటింగ్‌ను పొందింది. ధర గురించి మాట్లాడితే, ఈ SUV మార్కెట్లో రూ. 6.13 లక్షల నుంచి రూ. 10.20 లక్షల (ఎక్స్-షోరూమ్, ఢిల్లీ) ధరలో అందుబాటులో ఉంది. దీనిని కంపెనీ ప్యూర్, అడ్వెంచర్, అకాంప్లిష్డ్, క్రియేటివ్ అనే నాలుగు విస్తృత వేరియంట్‌లలో అందిస్తోంది.

టాటా ఈ కాంపాక్ట్ SUVలో 5 మంది సౌకర్యవంతంగా ప్రయాణించవచ్చు. దీని బూట్ స్పేస్ 366 లీటర్లు. అంతేకాకుండా, ఇది 187 మిమీ గ్రౌండ్ క్లియరెన్స్ కూడా కలిగి ఉంది. టాటా పంచ్‌లో 1.2-లీటర్ పెట్రోల్ ఇంజన్ కలదు. ఇది 88 PS పవర్, 115 Nm టార్క్ ఉత్పత్తి చేస్తుంది. ఈ ఇంజన్‌తో 5-స్పీడ్ మాన్యువల్, 5-స్పీడ్ AMT ఎంపిక అందుబాటులో ఉంది. దీని CNG వేరియంట్‌లో ఈ ఇంజన్‌ని ఉపయోగించారు. అయితే దీనితో కేవలం 5-స్పీడ్ మ్యాన్యువల్ గేర్‌బాక్స్ మాత్రమే అందుబాటులో ఉంది. ఈ CNG మోడ్ 73.5 PS పవర్, 103 Nm టార్క్‌ను ఉత్పత్తి చేస్తుంది.

మైలేజీ ఎంత?

పెట్రోల్ MT- 20.09 kmpl

పెట్రోల్ AMT- 18.8 kmpl

CNG- 26.99 km/kg

భద్రతా ఫీచర్లు..

భద్రతను దృష్టిలో ఉంచుకుని, టాటా పంచ్‌లో డ్యూయల్ ఫ్రంట్ ఎయిర్‌బ్యాగ్‌లు, EBDతో కూడిన ABS, వెనుక పార్కింగ్ సెన్సార్, వెనుక వీక్షణ కెమెరా, టైర్ ప్రెజర్ మానిటరింగ్ సిస్టమ్ (TPMS), ISOFIX యాంకర్లు వంటి ఫీచర్లు అందించారు. ఇది కాకుండా, ఈ SUV లో 7-అంగుళాల టచ్‌స్క్రీన్ డిస్‌ప్లే, 7-అంగుళాల సెమీ డిజిటల్ ఇన్‌స్ట్రుమెంట్ ప్యానెల్, ఆటోమేటిక్ AC, కనెక్ట్ చేయబడిన కార్ టెక్నాలజీతో కూడిన క్రూయిజ్ కంట్రోల్ వంటి ఫీచర్లు కూడా ఉన్నాయి.