Swift Allgrip FX Launched: అదిగో.. స్విఫ్ట్ కొత్త మోడల్ వచ్చేస్తోంది.. ఈసారి ఫీచర్లు ఇంటర్నేషనల్ లెవెల్లో..!

Swift Allgrip FX Launched: మారుతి సుజుకి స్విఫ్ట్ భారతదేశంలో అత్యధికంగా అమ్ముడవుతున్న కార్లలో ఒకటి. దాని స్పోర్టీ లుక్, అద్భుతమైన మైలేజ్, కాంపాక్ట్ సైజు కారణంగా, ఇది భారతీయ రోడ్లపై సర్వసాధారణంగా మారింది. దీనిని సరసమైన స్పోర్ట్స్ కారుగా కూడా కొనుగోలు చేస్తున్నారు. ఇప్పుడు ఒక అడుగు ముందుకు వేసి సుజుకి నెదర్లాండ్స్ విభాగం స్విఫ్ట్ కొత్త ఆల్‌గ్రిప్ ఎఫ్ఎక్స్ మోడల్‌ను విడుదల చేసింది. దాని అత్యంత ప్రత్యేక లక్షణం ఆఫ్-రోడ్ సామర్థ్యం. కాబట్టి ఈ 'వైల్డ్' స్విఫ్ట్ భారతదేశంలో ఎలాంటి సంచలనాలు సృష్టిస్తుందో తెలుసుకుందాం.

Swift Allgrip FX

స్విఫ్ట్ ఆల్‌గ్రిప్ ఎఫ్ఎక్స్ అతిపెద్ద ఫీచర్ దాని ఆఫ్-రోడ్ సామర్థ్యం. అవును, ఇది కొంతవరకు 4X4 లాగా ఉంటుంది! దీనితో పాటు, కొత్త మోడల్‌కు రూఫ్ రాక్ కూడా అందించారు. ఇది మంచు రోడ్లపై స్పేర్ వీల్, లగేజీని ఉంచడానికి మాత్రమే కాకుండా కారు బరువు మోసే సామర్థ్యాన్ని కూడా పెంచుతుంది. కొత్త మోడల్ పర్వతాలలో ఆఫ్-రోడింగ్ కోసం ప్రత్యేకంగా రూపొందించారు. ఈ మోడల్ భారతదేశానికి వస్తే, ఈ కారుకు డిమాండ్ భారీగా పెరుగుతుంది. ఇది జిమ్నీ, థార్ వంటి తక్కువ బడ్జెట్ ఆఫ్-రోడర్లకు కూడా గట్టి పోటీని ఇవ్వగలదు.

Swift Allgrip FX Price

స్విఫ్ట్ ఆల్‌గ్రిప్ గ్లోబల్ మోడల్ లాగానే 1.2-లీటర్ నేచురల్లీ ఆస్పిరేటెడ్ త్రీ-సిలిండర్ ఇంజిన్‌ ఉంది, ఇది 12V మైక్రో-హైబ్రిడ్ సిస్టమ్‌తో వస్తుంది. ఈ ఇంజిన్ 82 బిహెచ్‌పి పవర్ ఉత్పత్తి చేస్తుంది. 5-స్పీడ్ మాన్యువల్ ట్రాన్స్‌మిషన్ సిస్టమ్‌తో కూడా ఉంటుంది. ఎంట్రీ-లెవల్ ఫ్రంట్ వీల్ డ్రైవ్ స్విఫ్ట్ నెదర్లాండ్స్ దేశంలో సుమారు 21.65 లక్షల రూపాయల నుండి ప్రారంభమవుతుంది, స్విఫ్ట్ ఆల్‌గ్రిప్ FX మోడల్ దీని కంటే ఖరీదైనది, ధర సుమారు 27.62 లక్షల రూపాయలు. భారతదేశంలో దీని ధర ఎంత ఉంటుందో చూడాలి..

Swift Allgrip FX Design

దీన్ని ఆకర్షణీయంగా చేయడానికి, ముందు గ్రిల్ వెంట ఎల్ఈడీ లైట్ బార్ అందించారు. అలాగే, వీల్ ఆర్చ్‌లకు హై-గ్లోస్ బ్లాక్ ట్రిమ్‌లు ఇచ్చారు, ఇవి దీనికి బలాన్ని ఇస్తాయి. కొత్త మోడల్‌లో సుజుకి లోగో, ఆల్‌గ్రిప్ బ్యాడ్జింగ్ కూడా ఉన్నాయి.

క్యాబిన్ లోపల, సుజుకి నెదర్లాండ్స్ స్విఫ్ట్‌లోని ప్రీమియం అనుభూతిని అందిస్తుంది. లేఅవుట్ భారతీయ మోడల్ మాదిరిగానే ఉంటుంది, కానీ లోపలి భాగంలో లెదర్ సీట్లు, సులభంగా శుభ్రం చేయడానికి రబ్బరు మ్యాట్‌లు, డొమెటిక్ కూల్ బాక్స్చ స్టోరేజ్ బాక్స్ వంటి ఫీచర్లు ఉన్నాయి, ఇవి దీనిని మరింత ప్రత్యేకంగా చేస్తాయి.

Swift Allgrip FX Specifications

కొత్త స్విఫ్ట్ మోడల్ ఆల్‌గ్రిప్ సిస్టమ్‌తో కూడిన అతి చిన్న కార్లలో ఒకటి. ఆల్‌గ్రిప్ సిస్టమ్ తక్కువ ట్రాక్షన్ ఉన్న ప్రాంతాల్లో బలమైన పట్టును అందిస్తుంది. ముందు చక్రాలు జారిపోతున్నప్పుడు, పవర్ వెనుక చక్రాలకు బదిలీ చేస్తుంది, ఇది స్థిరత్వాన్ని మెరుగుపరుస్తుంది. పర్వత రోడ్లపై కూడా కారును సులభంగా నడపవచ్చు. ఈ కొత్త మోడల్ డిజైన్ భారతదేశంలో ప్రస్తుతం అందుబాటులో ఉన్న మోడల్‌తో సమానంగా ఉంటుంది, కానీ దాని ఆఫ్-రోడ్ సామర్థ్యం దీనికి భిన్నమైన గుర్తింపును ఇస్తుంది.