Safest Cars In India: భారతదేశంలో 3 సురక్షితమైన ఎస్‌యూవీ కార్లు.. ప్రమాదంలో ప్రాణాలు కాపాడతాయి..!

Safest Cars In India: ఇప్పుడు భారత్‌లో విడుదల చేస్తున్న అన్ని కార్లలో సేఫ్టీ ఫీచర్ల కొరత లేదు. దీంతో కార్లు ఖరీదైనవిగా మారుతున్నాయి. ప్రస్తుత రోజుల్లో కస్టమర్లు ముందుగా కారు భద్రతా, రేటింగ్‌ను కూడా చూస్తారు. కొన్నేళ్ల క్రితం వరకు కార్లలో సింగిల్, డ్యూయల్ ఎయిర్ బ్యాగ్స్ మాత్రమే కనిపించేవి, ఇప్పుడు కార్లలో 7 ఎయిర్ బ్యాగ్‌లు రావడం ప్రారంభించాయి. మీరు కూడా ఇలాంటి వాహనం కోసం చూస్తున్నట్లయితే ఈ జాబితాలో మహీంద్రా, టాటా వంటి ప్రముఖ కంపెనీలు ఉన్నాయి. వీటి గురించి పూర్తి వివరాలు తెలుసుకుందాం.

Mahindra BE 6

మహీంద్రా BE 6 దాని విభాగంలో అత్యంత స్టైలిష్‌గా రూపొందించిన ఎలక్ట్రిక్ ఎస్‌యూవీ. ఇది అనేక అధునాతన ఫీచర్లతో వస్తుంది. దాని ప్యాక్ 3 సెలెక్ట్, ప్యాక్ 3 వేరియంట్‌లలో 7 ఎయిర్‌బ్యాగ్‌లు అందించారు. పూర్తిగా ఛార్జ్ చేస్తే 500 కిలోమీటర్ల కంటే ఎక్కువ రేంజ్‌ను అందిస్తుంది. NCAP క్రాష్ టెస్ట్‌లో భారత్ 5-స్టార్ సేఫ్టీ రేటింగ్‌ను సాధించింది. దీని ధర రూ.24.5 లక్షల నుంచి రూ.26.9 లక్షల వరకు ఉంది.

Tata Safari

టాటా సఫారి ఒక శక్తివంతమైన ఎస్‌యూవీ. భద్రత కోసం అకాంప్లిష్డ్, అకాంప్లిష్డ్ ప్లస్ వేరియంట్స్‌లో 7 ఎయిర్‌బ్యాగ్స్ ఉన్నాయి. ఇది గ్లోబల్ NCAP,భారత్ NCAP క్రాష్ టెస్ట్‌లలో 5-స్టార్ సేఫ్టీ రేటింగ్‌ను కూడా సాధించింది. 360 డిగ్రీ కెమెరా, లెవెల్ 2 ADAS సౌకర్యాన్ని కూడా ఇందులో అందిస్తున్నారు. ఇంజన్ గురించి మాట్లాడితే, ఇందులో 2-లీటర్ డీజిల్ ఇంజన్ ఉంది. ఈ ఇంజన్ 170 పిఎస్ పవర్, 350 ఎన్ఎమ్ టార్క్ ఉత్పత్తి చేస్తుంది. దీని ఇంజన్ 6-స్పీడ్ మాన్యువల్, 6-స్పీడ్ ఆటోమేటిక్ ట్రాన్స్‌మిషన్‌తో ఉంటుంది. 7 ఎయిర్‌బ్యాగ్‌లతో కూడిన సఫారీ వేరియంట్‌ల ధర రూ.23.85 లక్షల నుంచి రూ.26.5 లక్షల వరకు ఉంటుంది.

Mahindra XUV700

మహీంద్రా XUV700 ఒక శక్తివంతమైన, సౌకర్యవంతమైన ఎస్‌యూవీ. దీని AX7L వేరియంట్‌లో 7 ఎయిర్‌బ్యాగ్స్ ఉన్నాయి. ఈ కారు 5-స్టార్ సేఫ్టీ రేటింగ్‌ను సాధించింది. దీనికి 360 డిగ్రీ కెమెరా కూడా ఉంది. ఇందులో 2-లీటర్ టర్బో పెట్రోల్, 2.2-లీటర్ డీజిల్ ఇంజన్ అందించారు. దీని ఇంజన్ 200 పిఎస్ పవర్, 450 ఎన్ఎమ్ వరకు టార్క్ ఉత్పత్తి చేస్తుంది. ఇది కాకుండా 360 డిగ్రీ కెమెరా, లెవెల్ 2 ADAS, అనేక సౌకర్యవంతమైన ఫీచర్లు ఉన్నాయి. AX7L వేరియంట్ ధర రూ. 22.24 లక్షల నుండి రూ. 24.99 లక్షల వరకు ఉంటుంది.