Mahindra XUV 3XO: మహీంద్రా వేసిన స్కెచ్.. షాక్‌లో కియా కంపెనీ..!

Mahindra XUV 3XO: కియా ఇటీవల తన కొత్త సైరోస్‌ను దేశంలో ప్రారంభించింది. దీనికి 20 వేలకు పైగా బుకింగ్స్ వచ్చాయి. కానీ విక్రయాల పరంగా ఈ వాహనం పనితీరు కంపెనీ ఊహించినంతగా లేదు. గత నెలలో కియా సైరోస్ 5425 యూనిట్లు మాత్రమే అమ్ముడయ్యాయి. టాప్ 10 కాంపాక్ట్ కార్ల జాబితాలో 8వ స్థానంలో నిలిచింది. కియా సోనెట్ గత నెలలో 7,598 యూనిట్ల విక్రయాలతో ఏడో స్థానంలో ఉండగా, మహీంద్రా XUV 3XO 7861 యూనిట్ల విక్రయాలతో 6వ స్థానంలో ఉంది. సైరోస్‌ మార్కెట్‌ హిట్‌ అవుతుందా లేక ఫ్లాప్‌ అవుతుందా అనేది మరో 2-3 నెలల్లో తేలిపోతుంది. ఈ వాహనం విశేషాలను తెలుసుకుందాం.

Kia Syros

కియా సైరోస్‌లో 1-లీటర్ టర్బో-పెట్రోల్, 1.5-లీటర్ డీజిల్ ఇంజన్లు అందుబాటులో ఉంది. మైలేజీ విషయానికి వస్తే, ఇందులో 1-లీటర్ టర్బో-పెట్రోల్ ఇంజన్ మాన్యువల్ ట్రాన్స్‌మిషన్‌తో 18.20 kmpl, ఆటోమేటిక్ ట్రాన్స్‌మిషన్‌తో 17.68 kmpl మైలేజీని ఇస్తుంది. 1.5-లీటర్ డీజిల్ మాన్యువల్ గేర్‌బాక్స్‌తో 20.75 kmpl, ఆటోమేటిక్ గేర్‌బాక్స్‌తో 17.65 kmpl మైలేజీని ఇస్తుంది.

Mahindra XUV 3XO

మహీంద్రా XUV 3XO ప్రారంభ ధర రూ. 7.99 లక్షలు. ఈ ఎస్‌యూవీ డిజైన్ ఆకట్టుకుంటుంది. ఇది కాంపాక్ట్ ఎస్‌యూవీ. స్థలం, ఫీచర్ల పరంగా ఇది గొప్ప ఎస్‌యూవీ. ఈ కారులో మూడు ఇంజన్లు ఉన్నాయి, వీటిలో 1.2L టర్బో పెట్రోల్ ఇంజన్ 82kW పవర్, 200 Nm టార్క్ ఇస్తుంది.

ఇది కాకుండా, దాని రెండవ ఇంజన్ కూడా 1.2L టర్బో పెట్రోల్, ఇది 96kW పవర్, 200 Nm టార్క్ ఇస్తుంది. దీని మూడవ 1.5L టర్బో డీజిల్ ఇంజన్ 86Kw పవర్, 300 Nm టార్క్ ఇస్తుంది. ఈ ఇంజన్లు మాన్యువల్, ఆటోమేటిక్ గేర్‌బాక్స్‌లతో 21.2 km/l వరకు మైలేజీని అందిస్తాయి. భద్రతలో 5 స్టార్ రేటింగ్‌ను సాధించింది.

భద్రత కోసం లెవల్ 2 అడాస్, యాంటీ-లాక్ బ్రేకింగ్ సిస్టమ్, ఆటోమేటిక్ ఎమర్జెన్సీ బ్రేకింగ్ సిస్టమ్, 6 ఎయిర్‌బ్యాగ్‌లు, అతిపెద్ద సన్‌రూఫ్, 360 డిగ్రీ కెమెరా వంటి ఫీచర్లతో అందించారు. రోజువారీ ఉపయోగం కాకుండా మీరు దానితో లాంగ్ డ్రైవ్‌లను కూడా ఆస్వాదించవచ్చు.

మహీంద్రా త్వరలో XUV 3XO ఎలక్ట్రిక్ అవతార్‌ను మార్కెట్లోకి తీసుకువస్తోంది. ఈ కారు టెస్టింగ్ సమయంలో చాలాసార్లు కనిపించింది. మార్కెట్ వర్గాల సమాచారం ప్రకారం, XUV 3XO EV ఫుల్ ఛార్జింగ్‌పై 400 కిలోమీటర్ల పరిధిని అందించగలదు. ఈ వాహనం అంచనా ధర సుమారు రూ. 13-15 లక్షలు ఉండచ్చు. మార్కెట్లో టాటా నెక్సాన్ EVతో పోటీపడుతుంది.