India Best Selling Car: నేనే తోపు దమ్ముంటే ఆపు.. అమ్మకాల్లో క్రెటా జోరు .. ఇంకా ఈ కారుకు తగ్గని క్రేజ్‌..!

India Best Selling Car: వాహనాల విక్రయాల్లో హ్యుందాయ్ మోటార్ ఇండియా లిమిటెడ్ (హెచ్‌ఎంఐఎల్) మరోసారి రెండో స్థానానికి చేరుకుంది. కంపెనీకి చెందిన ప్రముఖ ఎస్‌యూవీ, హ్యుందాయ్ క్రెటా మళ్లీ రెండో స్థానానికి చేరుకుంది. ఇది మాత్రమే కాదు.. భారతీయ ఆటోమొబైల్ పరిశ్రమలో అత్యధికంగా అమ్ముడవుతున్న మోడల్‌గా నిలిచింది. 2024-25 ఆర్థిక సంవత్సరం నాలుగో త్రైమాసికంలో (జనవరి-మార్చి) భారతదేశంలో SUV విభాగంలో కొత్త ప్రమాణాలను నెలకొల్పడం ద్వారా ఇది దేశంలో అత్యధికంగా అమ్ముడైన వాహనంగా మారింది. హ్యుందాయ్ క్రెటా నెలవారీ, వార్షిక అమ్మకాలు ఎలా ఉన్నాయి? దాని అమ్మకాలు పెరగడానికి కారణం ఏమిటి?

మార్చి 2025లో హ్యుందాయ్ క్రెటా 18,059 యూనిట్లను విక్రయించింది. దీనితో భారతీయ ఆటోమొబైల్ మార్కెట్లో క్రెటా తన ఆధిపత్యాన్ని నెలకొల్పింది. అదే సమయంలో,2024-25 ఆర్థిక సంవత్సరం చివరి త్రైమాసికంలో 52,898 యూనిట్లు అమ్ముడయ్యాయి, ఇది భారతదేశానికి అత్యంత ఇష్టమైన ఎస్‌యూవీగా నిలిచింది.

నెలవారీ అమ్మకాలతో పాటు, క్రెటా వార్షిక అమ్మకాలు కూడా అద్భుతంగా ఉన్నాయి. 2024-25 ఆర్థిక సంవత్సరంలో 1,94,871 యూనిట్లు క్రెటా అమ్మకాలు జరిగాయి, ఇది సంవత్సరానికి 20శాతం వృద్ధిని చూపుతోంది. ఈ సేల్‌తో క్రెటా భారతదేశంలో అత్యధికంగా అమ్ముడైన మూడవ ప్యాసింజర్ వాహనంగా అవతరించింది.

హ్యుందాయ్ క్రెటా టాప్ వేరియంట్ దానిని నంబర్ వన్ స్థానానికి తీసుకువచ్చింది. దీని ICE వెర్షన్ అమ్మకాలలో 24శాతం సహకారం అందించగా, ఎలక్ట్రిక్ అమ్మకాలలో 71శాతం సహకారం అందించింది. క్రెటా సన్‌రూఫ్ వేరియంట్‌లు 69శాతం అమ్మకాలను అందించాయి. దాని కనెక్ట్ చేసిన ఫీచర్లు మొత్తం అమ్మకాలలో 38శాతం వరకు దోహదపడ్డాయి, ఇది భారతీయ కస్టమర్లు స్మార్ట్, సాంకేతికంగా అధునాతన ఫీచర్ల వైపు ఆకర్షితులవుతున్నారని చూపిస్తుంది.

భారతీయ మార్కెట్లో హ్యుందాయ్ క్రెటా రూ. 11.11 లక్షల నుండి రూ. 20.50 లక్షల వరకు ధరలో అందుబాటులో ఉంది. దీనిని డీజిల్, పెట్రోల్, ఎలక్ట్రిక్ ఆప్షన్లలో కొనుగోలు చేయచ్చు. దీని ఎలక్ట్రిక్ వెర్షన్ ఇటీవలే విడుదలైంది. ఇది అనేక వేరియంట్లలో ఉంది. హ్యుందాయ్ క్రెటాలో పనోరమిక్ సన్‌రూఫ్, 360-డిగ్రీ కెమెరా, ADASతో 10.25-అంగుళాల డిజిటల్ డ్రైవర్ డిస్‌ప్లే, డ్యూయల్-జోన్ క్లైమేట్ కంట్రోల్, వైర్‌లెస్ ఫోన్ ఛార్జర్, వెంటిలేటెడ్ ఫ్రంట్ సీట్లు, 6 ఎయిర్‌బ్యాగ్స్, TPMSతో 8-స్పీకర్ బోస్ సౌండ్ సిస్టమ్‌తో సహా అనేక భద్రతా ఫీచర్లు ఉన్నాయి.