Honda Livo Facelift:స్టైల్‌కు స్టైల్ మైలేజీకి మైలేజ్.. హోండా లివో ఫేస్‌లిఫ్ట్ లాంచ్

Honda Livo Facelift: హోండా మోటార్ సైకిల్స్ సంస్థ హోండా లివో 2025 100 సీసీ మోటార్ సైకిల్ ను విడుదల చేసింది. ఈ బైక్ ఎక్స్-షోరూమ్ ధర బేస్ డ్రమ్ వేరియంట్ రూ. 83,080 నుండి మొదలవుతుంది. డిస్క్ వేరియంట్ ధర రూ.85,878గా ఉంది.

కొత్త హోండా లివోలో కస్టమర్లు 3 కలర్లలో ఇది అందుబాటులో ఉంది. ఇందులో పెర్ల్ ఇగ్నియస్ బ్లాక్ విత్ ఆరెంజ్ స్ట్రైప్స్, పెర్ల్ ఇగ్నియస్ బ్లాక్ విత్ బ్లూ స్ట్రైప్స్, పెర్ల్ సైరన్ బ్లూ ఉన్నాయి. మార్కెట్‌లో ఈ స్కూటర్ హీరో ప్యాషన్, బజాజ్ ప్లాటినా 110, టీవీఎస్ స్టార్ సిటీ వంటి 110సీసీ కమ్యూటర్ మోటార్‌సైకిళ్లతో పోటీపడుతుంది.

డిజైన్ గురించి మాట్లాడితే కొత్త లివో మజిల్ ఫ్యూయల్ ట్యాంక్‌తో స్పోర్టీగా ఉంటుంది. అదే సమయంలో దాని ట్యాంక్ కవర్ చాలా డిఫరెంట్‌గా కనిపిస్తుంది. ఇది కాకుండా కంపెనీ ఫ్యూయల్ ట్యాంక్, హెడ్‌లైట్, సైడ్ బాడీ ప్యానెల్‌లపై గ్రాఫిక్స్‌ను కూడా చేర్చింది. కొత్త హోండా లివో పిలియన్ గ్రాబ్ రైల్‌తో పొడవైన సింగిల్-పీస్ సీటు ఏర్పాటు చేశారు.

2025 హోండా లివో పూర్తిగా డిజిటల్ ఇన్‌స్ట్రుమెంట్ క్లస్టర్‌ను కలిగి ఉంది, ఇది రియల్ టైమ్ మైలేజ్, ECO ఇండికేషన్, సర్వీస్ డ్యూ ఇండికేటర్, గేర్ పొజిషన్ ఇండికేటర్ వంటి అనేక సమాచారాన్ని చూపుతుంది.పవర్‌ట్రెయిన్‌గా స్కూటర్‌లో ఇప్పటికే ఉన్న 109.51cc సింగిల్-సిలిండర్ ఎయిర్-కూల్డ్ ఇంజన్ ఉంది, ఇది గరిష్టంగా 7,500ఆర్‌పిఎమ్ వద్ద 8.7బిహెచ్‌పి పవర్, 5,500 ఆర్‌పిఎమ్ వద్ద 9.3ఎన్ఎమ్ గరిష్ట టార్క్‌ను ఉత్పత్తి చేయగలదు. ఇంజిన్ 4-స్పీడ్ గేర్‌బాక్స్‌తో ఉంది.