Hyundai Cars: హ్యుందాయ్ కార్లపై బంపర్ డిస్కౌంట్.. ఇప్పుడే ఇంటికి తెచ్చుకుంటే రూ.2 లక్షలు ఆదా..!

Hyundai Car Discount Offers: పండుగల సీజన్ సమీపిస్తున్నందున, ఇప్పుడు వాహనాలపై మంచి ఆఫర్లు అందుబాటులోకి రానున్నాయి. హ్యుందాయ్ కూడా కస్టమర్లను ఆకర్షించేందుకు కార్లపై ఆఫర్లను తీసుకొచ్చింది. హ్యుందాయ్ సెప్టెంబర్ నెలలో రూ.2 లక్షల వరకు ఆఫర్లను అందిస్తోంది. గ్రాండ్ i10 Nios, Aura, i20, Verna, Alcazar, Kona EV వంటి కంపెనీ మోడళ్లపై ఆఫర్‌లు అందుబాటులో ఉన్నాయి. Creta, Venue లేదా ఇటీవల ప్రారంభించిన Exeterపై ఆఫర్‌లు లేవు. టక్సన్, ఐయోనిక్ 5 వంటి ప్రీమియం ఆఫర్‌లపై కూడా ఎలాంటి తగ్గింపు లేదు.

గ్రాండ్ ఐ10 నియోస్..

గ్రాండ్ i10 నియోస్ అన్ని వేరియంట్లపై రూ. 10,000 ఎక్స్చేంజ్ బోనస్, రూ. 3,000 కార్పొరేట్ తగ్గింపు ఉంది. ఐ10 మాన్యువల్ ట్రాన్స్‌మిషన్ వేరియంట్‌పై రూ. 30,000 నగదు తగ్గింపు ఉంది. అంటే, దీనిపై మొత్తం రూ.43,000 వరకు ఆఫర్ ఉంది. ఈ హ్యాచ్‌బ్యాక్ ధర రూ. 5.73 లక్షల నుంచి రూ. 8.51 లక్షల (ఎక్స్-షోరూమ్) మధ్య ఉంటుంది.

ఔరా..

హ్యుందాయ్ ఆరా అన్ని వేరియంట్లపై రూ. 10,000 ఎక్స్చేంజ్ బోనస్, రూ. 3,000 కార్పొరేట్ తగ్గింపు అందుబాటులో ఉంది. ఇది కాకుండా, సబ్ కాంపాక్ట్ సెడాన్ పెట్రోల్ వేరియంట్‌లపై రూ. 10,000 కార్పొరేట్ తగ్గింపు కూడా ఇస్తుంది. Aura CNG వేరియంట్‌పై రూ. 20,000ల వరకు నగదు తగ్గింపు ఉంది. మొత్తం ఆఫర్ రూ. 33,000 వరకు ఉంటుంది.

i20, i20 N లైన్..

సాధారణ i20 అన్ని వేరియంట్లపై రూ. 10,000 వరకు ఎక్స్ఛేంజ్ బోనస్ ఉంది. కంపెనీ డిసిటి వేరియంట్, స్పోర్ట్జ్ ఎమ్‌టి, ఇతర వేరియంట్‌లపై వరుసగా రూ.30,000, రూ.25,000, రూ.10,000 నగదు తగ్గింపులను అందిస్తోంది. అదే సమయంలో ఎన్ లైన్ వేరియంట్‌పై రూ.50,000ల ఆఫర్ ఉంది.

వెర్నా, అల్కాజర్, కోనా ఎలక్ట్రిక్..

వెర్నా, అల్కాజర్‌పై వరుసగా రూ. 25,000, రూ. 20,000 ఎక్స్ఛేంజ్ బోనస్ ఉంది. అదే సమయంలో కోనా ఎలక్ట్రిక్ ఎస్‌యూవీపై రూ.2 లక్షల భారీ క్యాష్ డిస్కౌంట్ ఇస్తోంది.