వైఎస్ వివేకా హత్యకేసు : చిక్కుల్లో వర్ల రామయ్య

మాజీ మంత్రి వైఎస్ వివేకానందరెడ్డి హత్య కేసులో కీలక పరిణామం చోటుచేసుకుంది. ఈ కేసులో టీడీపీ సీనియర్ నేత వర్ల రామయ్యకు సిట్ నోటీసులు పంపింది. ఇటీవల వర్ల రామయ్య తరచుగా వివేకా హత్యపై వివాదాస్పద వ్యాఖ్యలు చేస్తూ దర్యాప్తును ప్రభావితం చేసేలా మాట్లాడుతున్నారని సిట్ అధికారులు భావించారు. వర్ల రామయ్య ఏ ఆధారాలతో వివేకానందరెడ్డి హత్యపై ఆరోపణలు చేస్తున్నారో తెలుసుకోవాలని పోలీసులు నిర్ణయించుకున్నారు.

ఈ నేపథ్యంలో సీఎఆర్పీసీ 160 కింద కడప సిట్ పోలీసులు నోటీసులు ఇచ్చినట్టు సమాచారం.. తన వద్దవున్న సాక్ష్యాలతో సిట్ ఎదుట హాజరు కావాలని ఆ నోటీసుల్లో పేర్కొన్నారు. అటు వైఎస్ వివేకా కుమార్తె సునీతారెడ్డి, అల్లుడు రాజశేఖర్ రెడ్డి కడప జిల్లా ఎస్పీని కలిశారు. వివేకా హత్య కేసు దర్యాప్తు ఎంతవరకు వచ్చిందనే విషయంపై వీరు ఎస్పీతో మాట్లాడారు.