సినీరంగ ప్రవేశం చేస్తున్న లక్ష్మీపార్వతి?

ఎన్టీఆర్ సతీమణి, వైసీపీ సీనియర్ నాయకురాలు, ఆంధ్రప్రదేశ్ తెలుగు అకాడమీ చైర్ పర్సన్ నందమూరి లక్ష్మీపార్వతి సినీరంగ ప్రవేశం చేస్తున్నట్టు సామాజిక మాధ్యమాల్లో జోరుగా ప్రచారం జరుగుతోంది. 'రాధాకృష్ణ' అనే చిత్రంలో ఆమె నటించనున్నట్టు సారాంశం. ఈ సినిమాకు కామెడీ చిత్రాల స్పెషలిస్ట్ శ్రీనివాసరెడ్డి దర్శకత్వం వహించనున్నారట. ఈ 'రాధాకృష్ణ' సినిమాని మహిళా ప్రధాన కథతో తెలంగాణ నేపథ్యంలో తెరకెక్కిస్తున్నారట. ఈ సినిమాలో లక్ష్మీపార్వతి కీలక పాత్రలో నటిస్తునారని.. ఇందుకు సంబంధించి టెస్ట్ షూట్ కూడా జరిగినట్టు ప్రచారం జరుగుతోంది. కాగా శ్రీనివాసరెడ్డి తాజాగా 'రాగల 24 గంటల్లో' అనే చిత్రాన్ని రూపొందించారు.