'ఐ సపోర్ట్ వైజాగ్' : క్రికెటర్లు

విశాఖలో 'ఐ సపోర్ట్ వైజాగ్' నినాదాన్ని హైలైట్ చేస్తూ ప్రముఖులు 'స్వచ్ఛ్ సర్వేక్షన్ 2020' ప్రచారంలో బుధవారం పాల్గొన్నారు. డాక్టర్ వైయస్ రాజశేఖరరెడ్డి ఎసిఎ-విడిసిఎ క్రికెట్ స్టేడియంలో జరిగిన వన్డే క్రికెట్ మ్యాచ్ సందర్భంగా జివిఎంసి అధికారులతో జతకట్టి 'స్వచ్ఛ్ సర్వేక్షన్ 2020' బ్రోచర్ ను ఆవిష్కరించారు. క్రికెట్ వ్యాఖ్యాతలు సునీల్ గవాస్కర్, సంజయ్ మంజ్రేకర్, వివిఎస్ లక్ష్మణ్, హర్ష భోగ్లే స్టేడియంలో జరిగిన ఈ ప్రచార కార్యక్రమానికి మద్దతు తెలిపారు.

ఈ సందర్భంగా క్రికెటర్లు వేణుగోపాల్ రావు, షాబుద్దీన్, పోలీసులు, రాజకీయ నాయకులు, బిజెపి నాయకుడు పి విష్ణు కుమార్ రాజు, జివిఎంసి అదనపు కమిషనర్ వి సన్యాసి రావు, క్రికెట్ ఔత్సాహికులు పలువురు ఈ సందర్భంగా జరిగిన 'స్వచ్ఛ సర్వేక్షన్ 2020' ప్రచారంలో పాల్గొన్నారు. ప్రముఖులతో కూడిన ఈ ప్రయత్నం ప్రజలలో స్వచ్ఛ సర్వేక్షన్ గురించి అవగాహన కల్పించడమే లక్ష్యమని జివిఎంసి కమిషనర్ జి. శ్రీజన అన్నారు.