నేను చనిపోయినా ఒకే జెండా కప్పించుకుని పోతా ‌: మాజీ మంత్రి

విశాఖ జిల్లాలో రాజకీయం వెడెక్కింది. మాజీ మంత్రి అయ్యన్నపాత్రుడు టీడీపీని వీడన వారిపై ఆగ్రహం వ్యక్తం చేస్తూ ట్వీట్ చేశారు. అవకాశవాదులు పార్టీ మారుతారని, అలాంటి చీడపురుగులు, ద్రోహులను తరిమికొట్టినప్పుడే రాజకీయాలకు పట్టిన మురికి వదులుతుందన్నారు. ఈ మేరకు ఆయన సోషల్ మీడియాలో పోస్టు చేశారు. కష్టాల్లో ఉన్నప్పుడు తల్లిలాంటి పార్టీని వదిలిపోయే పిరికిపందలు పార్టీకి అవసరం లేదని వ్యాఖ్యానించారు. తాను మరణించిన ఒకే జెండాతో పోతానని , నాలుగు పార్టీల జెండాలను కప్పుకోనని పోస్టులో పేర్కొన్నారు. అయితే మంత్రి అయ్యన్న పాత్రుడు సోదరుడు సన్యాసి పాత్రుడు కూడా టీడీపీ రాజీనామా చేసినట్లు తెలుస్తోంది.