తూర్పు గోదావరి జిల్లా బాణాసంచా తయారి కేంద్రంలో భారీ పేలుడు

తూర్పు గోదావరి జిల్లాలోని ఓ బాణాసంచా తయారి కేంద్రంలో భారీ పేలుడు సంభంవించింది. దీంతో 12 మందికి తీవ్ర గాయాలు అయ్యాయి, వీరిలో ఇద్దరి పరిస్థితి విషమంగా ఉంది. సామర్లకోట మండలం మేడపాడు శివారు ఇందిరా ఫైర్‌ వర్క్‌లో ఈ ప్రమాదం జరిగింది. సమాచారం అందుకున్న పోలీసులు హుటాహుటిన సంఘటనాస్థలికి చేరుకొని క్షతగాత్రులను కాకినాడ ఆస్పత్రికి తరలించారు. అగ్నిమాపక సిబ్బంది ద్వారా ఎగసిపడుతున్న మంటలను అదుపు చేస్తున్నారు. బాణాసంచా తయారి కేంద్రంపై కేసు నమోదు చేసుకొని దర్యాప్తు చేస్తున్నారు.