జగన్ సర్కార్ కీలక నిర్ణయం.. వాటికి రూ.16 వేల కోట్లు ఖర్చు
ఆంధ్రప్రదేశ్ ముఖ్యమంత్రి వైఎస్ జగన్ మరో కీలక నిర్ణయం తీసుకున్నారు. శనివారం వైద్య, ఆరోగ్య శాఖ అధికారులతో నాడు - నేడు కార్యక్రమంపై సమీక్ష నిర్వహించారు.
ఆంధ్రప్రదేశ్ ముఖ్యమంత్రి వైఎస్ జగన్ మరో కీలక నిర్ణయం తీసుకున్నారు. శనివారం వైద్య, ఆరోగ్య శాఖ అధికారులతో నాడు - నేడు కార్యక్రమంపై సమీక్ష నిర్వహించారు. ఈ సమావేశంలో మాట్లాడిన ఆయన.. రాష్ట్రంలో మెడికల్ కళాశాలల నిర్మించడానికి స్థలాలను ఎంపిక చేయాలని అధికారులను ఆదేశించారు. నాడు- నేడు కార్యక్రమం కింద ఆస్పత్రుల్లో అన్ని వసతులు కల్పించేందుకు చేపట్టే పనులపై జూన్ నెలలో టెండర్లకు వెళ్లాలని అధికారులను సీఎం ఆదేశించారు.
కొత్త నిర్మాణాల కోసం 16 వేల కోట్లు రూపాయలు ఖర్చు చేయనున్నట్లు సీఎం జగన్ తెలిపారు. నాడు- నేడు కింద వైద్య రంగంలో అభివృద్ధి పనులు చేపట్టాలన్నారు. నాడు- నేడు కార్యక్రమం భవిష్యత్తు తరాలనూ దృష్టిలో ఉంచుకుని రూపొందించినట్లు తెలిపారు. నాడు- నేడు కింద చేపట్టే పనుల్లో నాణ్యత ఉండాలని కోరారు.
ప్రజారోగ్య వ్యవస్థ బలోపేతం అవుతుందన్నారు. ఎలాంటి సమస్యలు వచ్చినా... ప్రజలను రక్షించడానికి ఉపయోగపడతాయని, ఇందు కోసం మంచి వ్యూహాలను ఎంపిక చేయాలని సీఎం జగన్ సూచించారు. రాష్ట్రంలో నాడు- నేడు కింద చేపట్టబోయే పనులు చరిత్రాత్మకం అవుతాయని సీఎం అన్నారు. ప్రజారోగ్య వ్యవస్థ గురించి దేశంలో ఏ ప్రభుత్వం కూడా ఆలోచించడం లేదన్న ఆయన.. వైసీపీ ప్రభుత్వం మాత్రం 16 వేల కోట్ల రూపాయలు ఖర్చు చేయబోతున్నామని సీఎం జగన్ స్పష్టం చేశారు.
About
HMTV team aims to keep you abreast with whatever is making headlines across the world including politics, business, sports, lifestyle and entertainment.
Our Links
Subscribe
Get the best positive stories straight into your inbox!
SubscribeWe're social, connect with us:
© Copyrights 2024. All rights reserved.
Powered By Hocalwire