విశాఖలో సముద్ర టూరిజానికి తొలి అడుగు

విశాఖలో సముద్ర టూరిజానికి తొలి అడుగు పడింది. ఇంటర్నేషనల్‌ క్రూయిజ్‌ లైనర్‌ 'సిల్వర్‌ డిస్కవరర్‌' సాగర తీరానికి వచ్చింది. రష్యాలో తయారైన ఈ క్రూయిజ్‌ లైనర్‌ అత్యంత విలాసవంతమైనది. శ్రీలంక నుంచి వచ్చిన ఈ షిప్పులో అమెరికా, యూరోప్, ఇతర దేశాలకు చెందిన 100 మంది పర్యాటకులు ఉన్నారు. తీర ప్రాంతాల్లో ఉన్న పర్యాటక ప్రదేశాలను చూపిస్తూ సర్క్యూట్ టూరిజంలా ఈ క్యూయిజ్ లైనర్ సేవలు అందిస్తుంది. సిల్వర్‌ డిస్కవరర్‌ విశాఖ నుంచి గోపాల్ పూర్ మీదుగా పారాదీప్ పోర్టుకు వెళుతుంది. క్రూయిజ్‌ షిప్పులు రావడం కోసం ప్రత్యేక టెర్మినల్ నిర్మించబోతున్నట్లు విశాఖ పోర్ట్ ట్రస్ట్ ఛైర్మన్ కృష్ణబాబు తెలిపారు.