Posani Krishna Murali: పోసాని కృష్ణమురళిపై ఏపీ సీఐడీ కేసు

AP CID: సినీ నటులు పోసాని కృష్ణమురళిపై సోమవారం సీఐడీ కేసు నమోదు చేసింది. ఆంధ్రప్రదేశ్ ముఖ్యమంత్రి చంద్రబాబుపై ఆయన తప్పుడు ప్రచారం చేశారని టీడీపీ నాయకులు బండారు వంశీకృష్ణ ఫిర్యాదు చేశారు.ఈ ఏడాది సెప్టెంబర్ లో నిర్వహించిన మీడియా సమావేశంలో పోసాని ఈ వ్యాఖ్యలు చేశారని ఆయన ఆ ఫిర్యాదులో తెలిపారు. వైఎస్ జగన్ ముఖ్యమంత్రిగా ఉన్న సమయంలో ఆంధ్రప్రదేశ్ ఫిలిం డెవలప్ మెంట్ కార్పోరేషన్ ఛైర్మన్ గా ఆయన పనిచేశారు. అప్పట్లో చంద్రబాబు, పవన్ కళ్యాణ్ , లోకేష్ పై పోసాని తీవ్ర విమర్శలు చేసేవారని టీడీపీ నాయకులు గుర్తు చేస్తున్నారు.

పోసానిపై ఫిర్యాదులు

ఈ నెల 12న పోసాని మీడియా సమావేశం ఏర్పాటు చేశారు.ఈ సమావేశంలో చంద్రబాబు, పవన్ కళ్యాణ్, లోకేశ్, టీటీడీ ఛైర్మన్ బీఆర్ నాయుడులపై అనుచిత వ్యాఖ్యలు చేశారని టీడీపీ, జనసేన నాయకులు రాష్ట్రంలోని పలు పోలీస్ స్టేషన్లలో ఫిర్యాదులు చేశారు.