ఆ సంస్థపై చర్యలు తీసుకుంటాం : డిప్యూటీ సీఎం ఆళ్ళ నాని

క్యాంప్ కార్యాలయంలో పరిపాలనా సమావేశం కారణంగా అసెంబ్లీలో ముఖ్యమంత్రి జగన్ మోహన్ రెడ్డి లేకుండానే వింటర్ సెషన్ అసెంబ్లీ సోమవారం కొనసాగింది. ఈ సందర్బంగా రాష్ట్రంలో అమలు చేస్తున్న ఆరోగ్య పథకంపై చర్చ జరిగింది. ఈ పథకంపై ప్రతిపక్షాలు సందేహాలు వ్యక్తం చేశాయి.. ఈ పథకంతో ఎవరికీ ప్రయోజనం లేకుండా ప్రభుత్వం డబ్బును వృధా చేస్తుందని ఆరోపించారు. దీనిపై డిప్యూటీ సీఎం, ఆరోగ్య శాఖా మంత్రి ఆళ్ళ కాళీకృష్ణ శ్రీనివాస్ (నాని) స్పందిస్తూ.. వైసీపీ ప్రభుత్వంపై వేలు చూపించే ముందు ఆత్మవిమర్శ చేసుకోవాలని ప్రతిపక్ష టీడీపీకి ఆయన విజ్ఞప్తి చేశారు. ఆస్పత్రులను మంచి స్థితిలో ఉంచడంలో టిడిపి ప్రభుత్వం ఘోరంగా విఫలమైందని ఆయన ఆరోపించారు.

రాష్ట్రమంతటా ఆసుపత్రుల పరిస్థితిని మెరుగుపరచడానికి ప్రభుత్వం కట్టుబడి ఉందని అన్నారు. "ఆరోగ్యశ్రీ కింద ప్రభుత్వం 2000 కి పైగా వ్యాధులను తీసుకువచ్చిందని.. రోజుకు 225 రూపాయలు చెల్లించడం ద్వారా ప్రభుత్వం ప్రజలను పోస్ట్ హాస్పిటలైజేషన్ కేర్ తీసుకుంటుందని మంత్రి చెప్పారు. ఆసుపత్రుల అభివృద్ధికి 900 కోట్ల రూపాయల నిధులు కేటాయించబడ్డాయ అని మంత్రి తెలిపారు. మెడికల్ కుంభకోణానికి పాల్పడినందుకు మెడోల్ కంపెనీపై చర్యలు తీసుకుంటామని మంత్రి చెప్పారు. అంతకుముందు, దిశా చట్టం ఆమోదించిన ఏపీని ఢిల్లీ ప్రభుత్వం అభినందిస్తూ ప్రకటించినందుకు సంతోషంగా ఉందని స్పీకర్ తమ్మినేని సీతారాం అన్నారు.