Andhra Pradesh: ఆ బిల్లులను సెలెక్ట్ కమిటీకి పంపాలి: టీడీపీ

బుధవారం శాసనమండలిలో మూడు రాజధానులకు సంబంధించిన రెండు బిల్లులపై చర్చకు అనుమతించారు కౌన్సిల్ చైర్మన్ మొహమ్మద్ షరీఫ్ అహ్మద్. పిడిఎఫ్ ఎంఎల్‌సి కెఎస్ లక్ష్మణారావు మూడు రాజధానుల బిల్లులపై చర్చను ప్రారంభించారు. మంగళవారం సాయంత్రం ఈ రెండు బిల్లులను సభలో ప్రవేశపెట్టిన విషయం తెలిసిందే. వికేంద్రీకరణ మరియు సమగ్ర అభివృద్ధి బిల్లు, 2020, ఆంధ్రప్రదేశ్ సీఆర్డిఏ (రద్దు) బిల్లు, 2020 తో సహా రెండు బిల్లులను ప్రవేశపెట్టి చర్చకు అనుమతించారు. ఇంతలో, టీడీపీ మూడు మూలధన బిల్లులకు మూడు సవరణలను ప్రతిపాదించింది. చర్చల తరువాత బిల్లులను సెలెక్ట్ కమిటీకి పంపాలని కౌన్సిల్ చైర్మన్‌ను కోరారు. సభలో టీడీపీ సభ్యులు ప్రభుత్వం తీరుపై మండిపడ్డారు. సభ లైవ్ ప్రసారాలను ఎందుకు నిలిపివేశారని ప్రశ్నించారు. దీంతో అధికార, ప్రతిపక్షాల మధ్య గందరగోళం నెలకొంది.

మరోవైపు టీడీపీ ఎమ్మెల్సీలు దీపక్ రెడ్డి, రామకృష్ణ, ఎ రామ్మోహన్ రావు, బుద్ధ నాగ జగదీశ్వరరావు లను అసెంబ్లీ ప్రాంగణంలోకి ప్రవేశించే ముందు ఆపేశారు అమరావతిలో పోలీసులు . ఆ సమయంలో వారు శాసనమండలికి హాజరు కావడానికి వస్తున్నారు. అసెంబ్లీకి కొద్ది మీటర్ల దూరంలో ఉన్న ఎమ్మెల్సీ ల వాహనాలను పోలీసులు ఆపారు. తమ వాహనాలకు ఎమ్మెల్సీ స్టిక్కర్లు లేనందున వాటిని అనుమతించలేమని పోలీసులు ఎమ్మెల్సీ లతో వాదించారు. ఈ క్రమంలో పోలీసులు, ఎమ్మెల్సీ ల మధ్య కొంత వాగ్వాదం జరిగింది. అయితే ఐడి కార్డులను చూపించడంతో ఆ సభ్యులను అసెంబ్లీలోకి అనుమతించారు.

ఇదిలావుంటే వికేంద్రీకరణ బిల్లును చర్చకు అనుమతించవద్దని రూల్ 71కింద ఆంధ్రప్రదేశ్ శాసన మండలి ప్రతిపక్ష నేత యనమల రామకృష్ణుడు తీర్మానం ప్రవేశపెట్టారు. రూల్ 71 తీర్మానానికి అనుకులంగా 27, వ్యతిరేకంగా 13, తటస్థంగా 9 ఓట్లు వచ్చాయి. దాంతో రూల్ 71పై తీర్మానం నెగ్గింది. ప్రభుత్వం బిల్లులు ప్రవేశపెట్టేముందు రూల్ 71 తీర్మానం పెట్టడం విరుద్ధమని వైసీపీ సభ్యులు , మంత్రులు అడ్డుకునే ప్రయత్నం చేశారు. ఈ విషయంలో మంత్రులు బొత్స సత్యనారాయణ, బుగ్గన రాజేంద్రనాధ్ రెడ్డి చైర్మన్ తో వాగ్వివాదానికి దిగారు. కాగా రూల్ 71పై ఓటింగ్ సమయంలో టీడీపీ చెందిన ఇద్దరు ఎమ్మెల్సీలు పోతుల సునీత, శివనాథ్ రెడ్డి టీడీపీకి వ్యతిరేకంగా ఓటు వేశారు. అయితే దీనిపై తెలుగుదేశం పార్టీ తీవ్ర అభ్యంతరం తెలిపింది. వారిపై చైర్మన్ కు ఫిర్యాదు చెయ్యాలని భావిస్తున్నట్టు సమాచారం.