గతకొంతకాలంగా అద్దంకి టీడీపీ ఎమ్మెల్యే గొట్టిపాటి రవికుమార్ వైసీపీలో చేరతారని జోరుగా ప్రచారం జరుగుతోంది. ఇందుకు బలం చేకూర్చేలా వైసీపీ నేతలతో ఆయన వరుస...
గతకొంతకాలంగా అద్దంకి టీడీపీ ఎమ్మెల్యే గొట్టిపాటి రవికుమార్ వైసీపీలో చేరతారని జోరుగా ప్రచారం జరుగుతోంది. ఇందుకు బలం చేకూర్చేలా వైసీపీ నేతలతో ఆయన వరుస భేటీలు నిర్వహిస్తున్నారు. కానీ వైసీపీ అధిష్టానం నుంచి ఎటువంటి సమాచారం లేకపోవడంతో ఆగిపోయారట. ఈ క్రమంలో మంత్రులు కొడాలి నాని, పేర్ని నాని, అనిల్ కుమార్ యాదవ్ లతో ఆయన దిగిన ఫోటో ఒకటి హల్చల్ చేస్తోంది. దాంతో గొట్టిపాటి రవి మళ్ళీ పార్టీ మారుతారన్న ప్రచారం ఊపందుకుంది. నిజానికి ఈ ఫోటో రాజకీయ చర్చకు దారితీసిన.. ఓ వేడుకలో ఆయన పాల్గొన్నప్పుడు తీసింది. మనవడు సిద్ధాన్ జన్మదిన వేడుకలకు పలువురు ప్రజాప్రతినిధులు, ప్రముఖులను మంత్రి బాలినేని శ్రీనివాసరెడ్డి ఆహ్వానించారు. శనివారం రాత్రి హైదరాబాద్ లో ఈ వేడుక జరిగింది.
ఈ సందర్బంగా గొట్టిపాటి రవి కూడా హాజరై బాలినేని మనవడిని ఆశీర్వదించారు. ఆ సమయంలో మంత్రులందరితో గొట్టిపాటి రవి చనువుగా మాటామంతి కలిపారు. ఆ సందర్బంగా తీసిన ఫోటో ఇది. గొట్టిపాటి రవికి టీడీపీ లోకన్నా వైసీపీతోనే అభినాభావ సంబంధం ఉంది. 2014 ఎన్నికల్లో వైసీపీ తరుపున అద్దంకి నుంచి గెలిచిన రవి.. ఆ తరువాత పార్టీ ఫిరాయించి టీడీపీలో చేరారు. అయినా ఎన్నికల ముందు తిరిగి వైసీపీలో చేరాలని తీవ్రంగా ప్రయత్నించారు.. కానీ వైసీపీ నుంచి గ్రీన్ సిగ్నల్ రాలేదు. దాంతో టీడీపీ నుంచే పోటీ చేసి విజయం సాధించారు. ఫలితాల అనంతరం టీడీపీ తలపెట్టిన ఏ కార్యక్రమంలోనూ రవి ఆసక్తికనబరచడం లేదు. దీంతో ఆయన పార్టీ మారడానికి ప్రయత్నాలు చేస్తున్నట్టు ప్రచారం జరుగుతోంది.
About
HMTV team aims to keep you abreast with whatever is making headlines across the world including politics, business, sports, lifestyle and entertainment.
Our Links
Subscribe
Get the best positive stories straight into your inbox!
SubscribeWe're social, connect with us:
© Copyrights 2024. All rights reserved.
Powered By Hocalwire