అధికారులపై సీఎం సీరియస్.. సవాల్ విసిరిన ఎమ్మెల్యే కోటంరెడ్డి

ఎంపీడీఓను దూషించిన కేసులు నెల్లూరు రురల్ ఎమ్మెల్యే కోటంరెడ్డిని పోలీసులు అరెస్ట్ చేసిన సంగతి తెలిసిందే. అయితే ఈ కేసును సీరియస్ గా తీసుకున్న సీఎం జగన్ అధికారులపై మండిపడ్డారు. వెంటనే చర్యలు తీసుకోవాలని ఆదేశించడంతో అధికారుల్లో చలనం వచ్చింది. అయితే తన అరెస్టుపై కోటంరెడ్డి శ్రీధర్‌రెడ్డి స్పందించారు. విచారణలో అన్ని విషయాలు బయటకు వస్తాయన్నారు.

ఈ విషయంలో ముఖ్యమంత్రి నిర్ణయాన్ని తాను స్వాగతిస్తున్నానన్నారు. తాను తప్పు చేసినట్టు తేలితే రాజకీయాల నుంచి తప్పుకుంటానని శపధం చేశారు. తాను MPDO ఇంటికి వెళ్లాననడం అవాస్తవమని స్పష్టం చేశారు. ఈ విషయంలో టీడీపీ నేతలు అనవసర రాద్ధాంతం చేస్తున్నారని ఆరోపించారు. కాగా కోటంరెడ్డి అరెస్ట్ నేపథ్యంలో ఆయన నివాసం వద్ద ఉద్రిక్త పరిస్థితి నెలకొంది. భారీగా వైసీపీ కార్యకర్తలు పోలీస్ స్టేషన్ వద్దకు చేరుకున్నారు.