Divorce Trend: పెరుగుతున్న విడాకుల కేసులు.. నెంబర్ వన్ రాష్ట్రంగా మహారాష్ట్ర!

పెరుగుతున్న విడాకుల కేసులు.. నెంబర్ వన్ రాష్ట్రంగా మహారాష్ట్ర!

ఒక్కప్పుడైతే పెళ్లి అంటే జీవితాంతం పాటు కలిసి ఉండే బంధంగా భావించేవారు. కానీ ప్రస్తుతం పరిస్థితులు మారిపోయాయి. పెళ్లయిన కొన్ని నెలలకే విడాకుల దాకా వెళ్లే జంటల సంఖ్య రోజు రోజుకు పెరుగుతోంది. సెలబ్రిటీలు, సామాన్యులు తేడా లేకుండా, అభిప్రాయాలు పొంతన కాకపోవడం, వ్యక్తిగత స్వేచ్ఛపై అవగాహన పెరగడం వంటివి దీనికి ప్రధాన కారణాలు.

ఇటీవల నిర్వహించిన ఓ సర్వే ప్రకారం, భారతదేశంలో విడాకుల రేటు వేగంగా పెరుగుతోంది. ముఖ్యంగా కొన్ని రాష్ట్రాల్లో ఈ ట్రెండ్ మరింత స్పష్టంగా కనిపిస్తోంది.

📌 భారతదేశంలో విడాకుల రేటులో టాప్ రాష్టాలు:

1. మహారాష్ట్ర (18.7%)

పట్టణీకరణ, ఒత్తిడి, మహిళల ఆర్థిక స్వాతంత్ర్యం వంటి కారణాల వలన విడాకుల రేటులో మహారాష్ట్ర అగ్రస్థానంలో ఉంది.

2. కర్ణాటక (11.7%)

విద్య, వ్యక్తిగత హక్కులపై అవగాహన పెరగడం, నగర జీవితం ఒత్తిడి వంటివి కర్ణాటకలో విడాకుల రేటు పెరిగేందుకు దారితీశాయి.

3. ఉత్తరప్రదేశ్ (8.8%)

చట్టపరమైన అవగాహన పెరిగే కొద్దీ ఈ రాష్ట్రంలో విడాకుల కేసులు కూడా పెరుగుతున్నాయి.

4. పశ్చిమ బెంగాల్ (8.2%)

ఇక్కడ ప్రధానంగా కోల్‌కతా నగరంలో విడాకుల రేటు గణనీయంగా పెరిగిందని సర్వేలో వెల్లడైంది.

5. తమిళనాడు (7.1%)

చెన్నై వంటి మహానగరాల్లో కెరీర్, విద్య, ఆర్థిక స్వేచ్ఛ వంటి అంశాలు ప్రధానంగా విడాకులకు కారణమవుతున్నాయి.

6. తెలంగాణ (6.7%)

హైదరాబాద్‌లో జీవనశైలి, కెరీర్ ప్రాధాన్యం, ఆర్థిక స్వతంత్రం వంటివి విడాకుల కేసుల పెరుగుదలకు దారితీస్తున్నాయి.

మొత్తంగా చూస్తే, వివాహ సంబంధాలు రోజురోజుకీ సవాళ్లను ఎదుర్కొంటున్నాయి. వ్యక్తిగత స్వేచ్ఛ, అభిప్రాయ భేదాలు, జీవిత లక్ష్యాల్లో మార్పులు ఇలా ఎన్నో అంశాలు పెళ్లిళ్ల స్థిరత్వాన్ని ప్రభావితం చేస్తున్నాయి. దీనిపై సమాజం చర్చించాల్సిన అవసరం ఉంది.