తాను అసెంబ్లీ ఎన్నికల్లో విజయం సాధించడం వెనుక సోషల్ మీడియా పాత్ర ఎంతైనా ఉందని ఆంధ్రప్రదేశ్ నూతన ముఖ్యమంత్రి వైఎస్ జగన్ మోహన్ రెడ్డి వ్యాఖ్యానించారు. సోషల్ మీడియా యోధులు ఎంతో మంది వైఎస్ఆర్ కాంగ్రెస్ పార్టీ కోసం ఎంతగా శ్రమించారో తనకు తెలుసునని అన్నారు. వీరంతా ఎల్లో మీడియాకు వ్యతిరేకంగా పోరాడారని, వైసీపీ విజయంలో వీరు కూడా కీలకమేనని అన్నారు. వీరందరికీ కృతజ్ఞతలు తెలియజేస్తున్నానని, ఇప్పటి వరకూ ఇచ్చిన మద్దుతునే ఇకపైనా కొనసాగించాలని కోరుకుంటున్నానని చెబుతూ, తన ట్విట్టర్ ఖాతాలో జగన్ ఓ పోస్ట్ ని ట్వీట్ పెట్టారు.
As I take up the responsibilities of the state, I wish to specially thank our social media warriors. I know that you have worked hard for YSRCP, & against the yellow media, and were instrumental in our victory. I humbly thank you and wish for your continued support to us.
— YS Jagan Mohan Reddy (@ysjagan) June 6, 2019