ఇంటర్ సప్లిమెంటరి పరీక్షలపై మరోసారి సందిగ్ధం నెలకొంది. వాస్తవానికి ఈ నెల 25 న సప్లిమెంటరీ పరీక్షలు నిర్వహించేందుకు ఇంటర్ బోర్టు ఏర్పాట్లు చేసింది. అయితే హైకోర్టు తాజా ఆదేశాలతో ఈ నెల 27 న రీ వెరిఫికేషన్, రీ వాల్యుయేషన్ పత్రాలను వెబ్సైట్లో ఉంచాలని బోర్డు నిర్ణయించింది. దీంతో సప్లిమెంటరీ పరీక్షలపై మళ్లీ సందిగ్ధం నెలకొంది. ఇప్పటికే రెండుసార్లు తేదీలు ప్రకటించి పరీక్షలు వాయిదా వేశారు. తాజా పరిస్థితిలో మరోసారి వాయిదా పడే అవకాశం ఉందని చెబుతున్నారు.