Ola S1 Air: ఫ్రంట్ సస్పెన్షన్‌తో విడుదలైన Ola S1 ఎయిర్.. నియాన్ కలర్‌తోపాటు మరో 5 రంగుల్లో లభ్యత.. నేటినుంచే సేల్.. ధర ఎంతంటే?

Ola S1 Air: బెంగళూరుకు చెందిన స్టార్టప్ కంపెనీ ఓలా ఎలక్ట్రిక్ కొత్త నియాన్ కలర్ ఆప్షన్‌లో S1 ఎయిర్‌ను పరిచయం చేసింది. సోషల్ మీడియాలో టీజర్‌ను విడుదల చేయడం ద్వారా కంపెనీ సీఈవో భవేష్ అగర్వాల్ ఈ విషయాన్ని తెలియజేశారు.

అధునాతన మూవ్ OS3 సాంకేతికతతో కూడిన ఎలక్ట్రిక్ స్కూటర్‌లు ఇప్పుడు 6 రంగు ఎంపికలను పొందుతాయి. నియాన్ కాకుండా, ఇందులో స్టెల్లార్ బ్లూ, పింగాణీ వైట్, కోరల్ గ్లామ్, లిక్విడ్ సిల్వర్, మిడ్‌నైట్ బ్లూ ఉన్నాయి. భారత మార్కెట్లో ఓలా ఈ ఎలక్ట్రిక్ స్కూటర్ ఆగస్ట్ 3న విడుదల కానున్న ఏథర్ 450Sతో పోటీపడుతుందని భావిస్తున్నారు.

ప్రీ బుకింగ్ కోసం జులై 28 నుంచి 31 వరకు ఛాన్స్..

కంపెనీ జులై 22 నుంచి Ola S1 ఎయిర్ ప్రీ బుకింగ్‌ను ప్రారంభించింది. కొనుగోలుదారులు కంపెనీ అధికారిక వెబ్‌సైట్ నుంచి రూ.999కి బుక్ చేసుకోవచ్చు. ఓలా ఎలక్ట్రిక్ సీఈఓ భవిష్ అగర్వాల్ ట్వీట్ చేస్తూ, "ఎస్1 ఎయిర్ కొనుగోలు విండో జులై 28 నుంచి జులై 30 వరకు ప్రారంభ ధర రూ. 1,09,999 (ఎక్స్-షోరూమ్) వద్ద తెరవబడుతుంది.

ఎలక్ట్రిక్ స్కూటర్‌ను ప్రారంభ ధరకు కొనుగోలు చేయడానికి ఇప్పుడే ముందుగా బుక్ చేసుకోవాలి. దీని తర్వాత, జులై 31 నుంచి, మీరు ఇ-స్కూటర్ కోసం రూ. 1,19,999 (ఎక్స్-షోరూమ్) చెల్లించాలి. దీని డెలివరీ ఆగస్టులో ప్రారంభమవుతుంది.

కొత్త ఫ్రంట్ సస్పెన్షన్ ఇ-స్కూటర్‌లో..

ఎలక్ట్రిక్ స్కూటర్‌లో అతిపెద్ద మార్పు దాని ఫ్రంట్ సస్పెన్షన్. ఇటీవల దాని బ్రేక్‌డౌన్ వార్తల తర్వాత, కంపెనీ ఇప్పుడు మోనో-షాక్, వెనుకవైపు ట్విన్-షాక్ అబ్జార్బర్‌కు బదులుగా ముందు టెలిస్కోపిక్ ఫోర్క్‌లను అందించింది. S1 ఎయిర్ ఎలక్ట్రిక్ స్కూటర్‌ను 5 లక్షల కిలోమీటర్లకు పైగా టెస్ట్ రైడ్ చేసినట్లు ఓలా ఎలక్ట్రిక్ ఇటీవల ఒక ట్వీట్‌లో పేర్కొంది.

Ola S1 ఎయిర్: రేంజ్, బ్యాటరీ, పవర్

కంపెనీ ప్రకారం, Ola S1 ఎయిర్ పనితీరు కోసం Ola హైపర్ డ్రైవ్ మోటార్ ఇచ్చారు. ఇది 4.5 kWh హబ్ మోటార్. ఈ మోటార్ గరిష్టంగా 11.3 hp శక్తిని, 58 nm టార్క్‌ను ఉత్పత్తి చేస్తుంది. మోటారుకు శక్తినివ్వడానికి, 3 kWh బ్యాటరీ ప్యాక్ కనెక్ట్ చేశారు. బ్యాటరీ పూర్తిగా ఛార్జ్ అయిన తర్వాత, ఎలక్ట్రిక్ స్కూటర్ 125 కి.మీ. ఇ-స్కూటర్ గరిష్ట వేగం గంటకు 90 కి.మీలుగా ఉంటుంది.

అధునాతన ఫీచర్లతో S1 ఎయిర్..

S1 ఎయిర్ అనేక అధునాతన ఫీచర్లతో రానుంది. ఇందులో S1 Air one LED హెడ్‌ల్యాంప్, 7 అంగుళాల TFT స్క్రీన్, స్మార్ట్‌ఫోన్ కనెక్టివిటీ, రివర్స్ మోడ్, OTA అప్‌డేట్‌లు, రిమోట్ బూట్ లాక్/అన్‌లాక్, మ్యూజిక్ ప్లేబ్యాక్ వంటి ఫీచర్లు ఉన్నాయి. ఎలక్ట్రిక్ స్కూటర్‌లో 3 రైడింగ్ మోడ్‌లు ఉన్నాయి - ఎకో, నార్మల్, స్పోర్ట్.

Ola ఆగస్టు 15, 2023న ఎలక్ట్రిక్ బైక్‌ను తీసుకొచ్చే ఛాన్స్..

Ola Electric ఓలా S1, S1 ప్రో కొత్త వేరియంట్‌లను S1 ఎయిర్‌తో పాటు ఫిబ్రవరి 9న ఆవిష్కరించింది. Ola ఎలక్ట్రిక్ స్కూటర్లు ఇప్పుడు భారతీయ మార్కెట్లో 6 ఎంపికలతో అందుబాటులో ఉన్నాయి. దీనితో పాటు, మొదటిసారిగా 5 ఎలక్ట్రిక్ బైక్‌లను కూడా పరిచయం చేశారు. ఆగస్టు 15న కంపెనీ ఈ ఎలక్ట్రిక్ బైక్‌లను ఆవిష్కరించే అవకాశం ఉందని మీడియా నివేదికల్లో పేర్కొంది.