కేటీఆర్‌కు ఘన స్వాగతం..

ప్రతి ఏడాది నిర్వహించినట్టు గానే ఈ ఏడాది కూడా స్విట్జర్లాండ్‌లో వరల్డ్‌ ఎకనామిక్‌ ఫోరం వార్షిక సదస్సు నిర్వహించనున్నారు. ఈ సదస్సు ఈ నెల 21 నుంచి 24 వరకు ఈ సదస్సు జరగనుందని, ఈ కార్యక్రమానికి మంత్రి కేటీఆర్ తప్పక హాజరు కావాలని ఫోరం సభ్యులు తెలిపారు. ఈ ఏడాది 50వ వార్షిక సదస్సు కావడంతో ప్రతిష్టాత్మకంగా నిర్వహిస్తున్నామని తెలిపారు.

ఈ ఆహ్వానం అందుకున్న కేటీఆర్ దావోస్‌కు చేరుకున్నారు. దీంతో టీఆర్‌ఎస్‌ స్విట్జర్లాండ్‌ అధ్యక్షులు గందె శ్రీధర్‌ మంత్రికి స్వాగతం పలికారు. ఈ సదస్సుకు కేటీఆర్ తో పాటు వివిధ దేశాలకు చెందిన ఆర్థిక వేత్తలు, రాజకీయవేత్తలు పాల్గొంటారని ఫోరం సభ్యులు తెలిపారు. ఈ సదస్సులో నాలుగో పారిశ్రామిక విప్లవంలో 'టెక్నాలజీ ప్రయోజనాలు-ఎదురయ్యే సవాళ్ల'పై చర్చ నిర్వహించనున్నారు. ఈ కార్యక్రమంలో మంత్రి కేటీఆర్‌ తెలంగాణ ప్రగతిని వివరించేలా ప్రసంగించనున్నారు. తెలంగాణ ఆర్థికంగా, పారిశ్రామికంగా అభివృద్ధి చెందుతున్న తీరును వివరించి రాష్ట్రంలో ఏ విధమైన పెట్టుబడులకు పెట్టొచ్చో వివరించనున్నారు. సదస్సు అనంతరం ప్రముఖ కంపెనీల అధిపతులు, సీఈవోలతో కేటీఆర్‌ భేటీ కానున్నారు. వారికి రాష్ట్రంలోని అవకాశాలు వివరించి పెట్టుబడులు పెట్టాలని కోరనున్నారు.