ఐస్ క్రీం తింటున్నారా.. అయితే జాగ్రత్త

చలిలో వేడి వేడి బజ్జీలు తినాలనిపిస్తుంది. వర్షంలో మొక్కజొన్నపొత్తులు తినాలనిపిస్తుంది. ఎండాకాలంలో చల్లని కూల్ డ్రింక్ లేదా ఐస్ క్రీం తినాలనిపిస్తుంది. అయితే ఇదే నేపథ్యంలో హైదరాబాద్ నగరంలో ఓ కుటుంబ సభ్యులు ఎండల వేడి నుంచి ఉపషమనం పొందడానికి రోడ్లపై అమ్ముతుండే ఐస్ క్రీం కొనుక్కొని తిన్నారు. బాగుంది అని తిన్న కొద్ది సేపటికే వారు ఒక్క సారిగా షాక్ అయ్యారు. వారు మాత్రమే కాదు ఆ చుట్టు పక్కన వారు కూడా ఒక్క సారిగా ఖంగారు పడ్డారు. అసలు ఏం జరిగిందో ఇప్పుడు తెలసుకుందాం.

పూర్తివివరాల్లోకెళితే హైదరాబాద్ పాతబస్తీలో సంతోష్ నగర్ పోలీస్ స్టేషన్ పరిధిలో నివాసముంటున్న ఫయాస్ అలీ ఖాన్ కుటుంబ సభ్యులు వీధిలో పోయే ఓ ఐస్ క్రీం బండి అతని దగ్గర ఐస్ క్రీం కొనుక్కొని తిన్నారు. ఆ తరువాత ఎవరైతే వాటిని తిన్నారో పిల్లలు, పెద్దలకు వెంటనే నోట్లో నుంచి రక్తం కారింది. దీంతో అందరూ ఒక్క సారిగా రిర్ఘాంత పోయారు. ఎందుకు ఇలా రక్తం వస్తుందని ఖంగారు పడ్డారు. ఈ ఘటన గురించి ఇరుగుపొరుగు వారికి తెలియడంతో అంతా ఆశ్చర్యపోయారు. తరువాత స్థానికులు వారిని వెంటనే సమీపంలో ఉన్న ఆస్పత్రికి తీసుకుని వెల్లారు.

అక్కడ వారిని పరీక్షించిన వైద్యుడు ఏం ప్రమాదం లేదని, నాలుక పగలడం వలన ఈ విధంగా జరిగిందని తెలిపారు. ఐస్ క్రీం తిన్న వెంటనే నోట్లో నుంచి రక్తం వచ్చినందుకు గల కారణాలను కూడా ఆయన వెల్లడించారు. సాధారణంగా ఐస్ క్రీంలో గడ్డకట్టేందుకు ఐస్ కలుపుతారని, ఈ ఐస్క్రీం బండి వాడు మాత్రం డ్రై ఐస్ కలిపాడని తెలిపారు. ఆ కారణంగానే ముగ్గురి నాలుకలు పగిలాయని, దాని వల్లే రక్తం వచ్చిందని చెప్పారు.

దీంతో ఆ కుంటుంబ సభ్యులు వెంటనే ఈ ఘటన గురించి సంతోష్ నగర్ పోలీస్ స్టేషన్‌లో ఫిర్యాదు చేశారు. దీంతో స్పందించిన పోలీసులు వెంటనే యజమానిని పట్టున్నారు. కేసు నమోదు చేసుకుని దర్యాప్తు చేస్తామని తెలిపారు. ఇలాంటి ఐస్ ప్రాణాంతకమని వారు తెలిపారు.