పార్టీ పెట్టడంపై స్పష్టత ఇచ్చిన ప్రకాష్ రాజ్

వచ్చే సార్వత్రిక ఎన్నికల్లో బెంగుళూరు సెంట్రల్ లోక్ సభ నియోజకవర్గం నుంచి పోటీచేస్తాను. ఏ పార్టీ తరుపున పోటీ చేయను, ఇండిపెండెంట్ గానే బరిలోకి దిగుతానని నటుడు ప్రకాష్ రాజ్ స్పష్టం చేశారు. అలాగే తాను రాజకీయ పార్టీ పెట్టబోనని కూడా వెల్లడించారు. పార్టీ స్థాపించబోతున్నట్టు వస్తున్న వార్తల్లో వాస్తవం లేదని తేల్చేశారు. ఏ పార్టీతోనూ తనకు విబేధాలు లేవన్న ఆయన.. పార్టీలు అవలంభించే విధానాలతోనే విసుగొస్తుందన్నారు. ఏ పార్టీకి మద్దతు ఇవ్వాలో, ఏ పార్టీని వ్యతిరేకించాలో తనకు తెలుసన్నారు. తన బాల్యం మొత్తం బెంగళూరులోనే గడిచిందని, అందుకే అక్కడి నుంచే బరిలోకి దిగబోతున్నట్టు ప్రకాష్ రాజ్ చెప్పారు.