logo

మార్చి 1న కళ్యాణ్‌ రామ్‌ '118'

మార్చి 1న కళ్యాణ్‌ రామ్‌ 118

నందమూరి నట వారసుడు కల్యాణ్ రామ్‌ క‌థానాయ‌కుడిగా ప్రస్తుతం తెరకెక్కుతోన్న స‌స్పెన్స్ థ్రిల్లర్ `118` షూటింగ్ కంప్లీట్ చేసుకుంది. ప్రస్తుతం పోస్ట్ ప్రొడక్షన్ వర్క్ జరుగుతుంది. ఇందులో జై లవకుశ ఫెమ్ నివేదా థామస్‌, అర్జున్ రెడ్డి హీరోయిన్ షాలినీ పాండేలు హీరోయిన్‌లుగా నటిస్తున్నారు. సూపర్ హిట్ చిత్రాలకు సినిమాటోగ్రాఫ‌ర్ పనిచేసిన గుహ‌న్ ఈ చిత్రం ద్వారా ద‌ర్శకుడిగా ప‌రిచ‌యం అవుతున్నారు. ఈస్ట్‌కోస్ట్ ప్రొడ‌క్షన్స్ బ్యాన‌ర్‌పై మ‌హేశ్ కొనేరు నిర్మిస్తున్న ఈ చిత్రం మార్చి 1న విడుదలకానుంది. శేఖర్ చంద్ర సంగీతం అందిస్తున్నారు.

కాగా గతేడాది డిసెంబర్ లో విడుదలైన ఈ చిత్రం ఫస్ట్ లుక్ అండ్ టీజర్‌కీ మంచి రెస్పాన్స్ వచ్చింది. పదేళ్ల కిందట అతనొక్కడే సినిమాతో హిట్ కొట్టిన కళ్యాణ్ రామ్ ఆ తరువాత హిట్స్ ను ఇవ్వలేకపోయాడు. కానీ పటాస్‌ సినిమాతో బ్రేక్‌ వచ్చినట్టుగానే కనిపించినా తరువాత మళ్లీ కెరీర్ గాడి తప్పింది. ప్రస్తుతం చేస్తున్న `118` సినిమాపై కళ్యాణ్ రామ్ భారీ అంచనాలే పెట్టుకున్నాడు. ఇందులో కళ్యాణ్ రామ్ స్టైలిష్ లుక్ లో కనిపించనుండంతో అభిమానుల్లో అంచానాలు రెట్టింపు అయ్యాయి.

Raj

Raj

Our Contributor help bring you the latest article around you


లైవ్ టీవి

Share it
Top