'దొరసాని' కి సెన్సార్ సభ్యుల ప్రశంసలు

ట్రైలర్ లతో ప్రేక్షకులను ఆకట్టుకున్న 'దొరసాని' ఇపుడు సెన్సార్ సభ్యులను కూడా ఆకట్టుకుంది. విజయ్ దేవరకొండ తమ్ముడు ఆనంద్ దేవరకొండ, హీరో రాజశేఖర్ కుమార్తె శివాత్మిక హీరో హీరోయిన్లుగా పరిచయం అవుతున్న సినిమా 'దొరసాని'. ఈ సినిమా టైటిల్ వచ్చిన దగ్గరనుంచి అంచనాలు పెంచుకుంటూ వస్తోంది. టీజర్ లు , ట్రైలర్లు ఆ అంచనాల్ని మరింత పెంచేశాయి. ఇటీవాలే ఈ సినిమా ప్రీ రిలీజ్ ఈవెంట్ జరుపుకుంది. సినిమా పై ఇప్పటికే విపరీతమైన అంచనాలు ఏర్పడ్డాయి. ఇపుడు ఈ సినిమా సెన్సార్ పూర్తి చేసుకుంది. సెన్సార్ నుంచి యు బై ఏ సర్టిఫికెట్‌ అందుకున్నట్టు సినిమా యూనిట్ తెలిపింది. సెన్సార్ సభ్యులు సినిమాని మెచ్చుకున్నారని వారు చెప్పారు. ఇక ఈ అభినందనలు తమకు సినిమా విజయం పై మరింత నమ్మకాన్ని పెంచాయని యూనిట్ సభ్యులు చెబుతున్నారు. ఈ సినిమాలో శివాత్మిక, ఆనంద్ ల నటన కు ప్రేక్షకులు ఫిదా అయిపోవడం ఖాయమని ఆ వర్గాలు ధీమా వ్యక్తం చేస్తున్నాయి.

మధుర ఎంటర్‌టైన్మెంట్, బిగ్ బెన్ సినిమాలు సంయుక్తంగా నిర్మించిన 'దొరసాని' తో కె.వి.ఆర్. దర్శకునిగా పరిచయం అవుతున్నారు. ఈ చిత్రం జూలై 12న గ్రాండ్‌గా విడుదల కాబోతోంది.