నన్ను జైల్లో పెట్టించేందుకు స్టార్ హీరో ప్రయత్నం : కంగానా

బాలీవుడ్ నటి కంగనా రనౌత్ మరోసారి వార్తల్లోకి ఎక్కింది. గత కొంత కాలంగా హీరో హృతిక్ రోషన్ ను టార్గెట్ చేసిన కంగనా... మరోసారి ఆయనపై ఆరోపణలు గుప్పించింది. తనను జైల్లో పెట్టించేందుకు ఓ అగ్ర హీరో ప్రయత్నిస్తున్నాడంటూ హృతిక్ ను ఉద్దేశించి పరోక్షంగా వ్యాఖ్యానించింది. 'ఫిట్‌ టు ఫైట్‌' ప్రచారాన్ని ప్రోత్సహించేందుకు నిర్వహించిన ఓ కార్యక్రమంలో ఆమె మాట్లాడారు. 'నా చెల్లెలు పాఠశాలలో చదువుతున్నప్పుడు తోటి విద్యార్థి నుంచి ఆమె యాసిడ్‌ దాడి ఎదుర్కొంది. ఇప్పుడు సినీ రంగంలో కొనసాగుతుండగా.. ఓ సూపర్‌స్టార్‌ నన్ను జైల్లో పెట్టేందుకు ప్రయత్నిస్తున్నారు. ఇది మన సమాజంలో సహజంగా జరిగేదే' అని ఆమె అన్నారు. హృతిక్‌-కంగన మధ్య వివాదం చాలాకాలంగా కొనసాగుతున్న సంగతి తెలిసిందే.