సూళ్లూరుపేట ఫ్లెమింగో ఫెస్టివల్‌లో కబడ్డీ క్రీడాకారుల మధ్య వివాదం

కబడ్డీ క్రీడాకారులు బరిలో ఆటను మాని.. ఫైట్ చేసుకున్నారు. బస్తీమే సవాల్ అంటూ ఇరుజట్ల వారు ఒకరిపై ఒకరు దాడికి దిగారు. కుర్చీలు విసురుకున్నారు. పిడిగుద్దులు కురిపించుకున్నారు. ఈ ఘటన సూళ్లూరుపేట ఫ్లెమింగో ఫెస్టివల్‌లో జరిగింది.

ఎదురుకుప్పం, కాసింగాడికుప్పం కబడ్డీ టీంల మధ్య వివాదం రేగి.. అది కాస్త ఘర్షణకు దారి తీసింది. క్రీడా ప్రాంగణంలోనే ఆటగాళ్లు కొట్టుకున్నారు. గతం నుంచే ఈ రెండు గ్రామాలకు చెందిన టీంలకు మధ్య విభేదాలు ఉన్నాయి. అవికాస్త ఇప్పుడు తీవ్రమయ్యాయి. దీంతో రెండు గ్రామాల వద్ద పోలీసులు భారీగా మోహరించారు.