కోడెల కుమార్తెపై మరో ఫిర్యాదు

మాజీ స్పీకర్ డాక్టర్ కోడెల శివప్రసాదరావు కుమార్తె విజయలక్ష్మిపై మరో ఫిర్యాదు దాఖలైంది. ఖమ్మం జిల్లాకు చెందిన వ్యాపారస్తుడు రవీంద్రారెడ్డి నరసరావుపేట టూటౌన్ పోలీస్ స్టేషన్‌లో ఫిర్యాదు చేశారు. ఖమ్మం జిల్లా సత్తుపల్లిలోని వెంకటేశ్వర సర్జికల్ కాటన్ మ్యానుఫ్యాక్ఛర్స్ పేరుతో నిర్వహిస్తున్న తమ సంస్థ నుంచి ముప్పాళ్ల మండలం గొల్లపాడులో కోడెల కుమార్తె నిర్వహిస్తున్న సేఫ్ డ్రగ్ హౌస్‌కు కాటన్ బండిల్స్ సరఫరా చేసినట్టు బాధితుడు ఫిర్యాదులో పేర్కొన్నాడు. గడిచిన 11 నెలలుగా సుమారు 14లక్షల 58వేల 655 రూపాయల బకాయిలు చెల్లించకపోగా, అడిగితే తమపై దాడి చేయించినట్టు రవీంద్రరెడ్డి తెలిపారు.