తెలంగాణలో క్లీన్ స్వీప్ చేస్తుందనుకున్న కారు స్పీడుకు బ్రేకులు పడ్డాయి. ఆశించిన ఫలితాలు సాధించకపోగా గతం కంటే రెండు స్థానాలు తగ్గాయి. 2014లో 11 సీట్లు గెలిచిన టీఆర్ఎస్ ఈసారి 9 స్థానాలకే పరిమితమైంది. ఈ విజయ పరాజయంపై కేటీఆర్ స్పందించారు. ఆశించిన స్థానాలు రాలేదని, ప్రజాస్వామ్యంలో గెలుపోటములు సహజమని, ఏం జరిగిందన్న దానిపై విశ్లేషించుకుంటామని తెలిపారు. 16 స్థానాలు రావాలని కోరుకున్నామని, కానీ 9 స్థానాలు గెలిపించిన ప్రజల తీర్పు శిరోధార్యమన్నారు. ఈ సందర్భంగా గెలిచిన బీజేపీ, కాంగ్రెస్ మిత్రులకు ధన్యవాదాలు తెలిపారు కేటీఆర్. ప్రధానిగా బాధ్యతలు చేపట్టబోతున్న మోడీకి, ఏపీ సీఎంగా ప్రమాణ స్వీకారం చేయనున్న జగన్కు అభినందనలు తెలిపారు కేటీఆర్.