అగ్రరాజ్యం అమెరికాలో మరో కాల్పుల మోత మోగింది. ఓ ఆగంతకుడు ఏకంగా పోలీసులపైనే విచక్షణారహితంగా కాల్పులు జరిపాడు. ఈ ఘటనలో ఓ పోలీసు అధికారి మృతి చెందగా, నలుగురు తీవ్రంగా గాయపడ్డారు. దక్షిణ కరోలినా ఫ్లొరెన్స్ పరిధిలోని మిర్టల్ ప్రాంతంలో ఈ ఘటన చోటు చేసుకుంది. వెంటనే అప్రమత్తమైన పోలీసులు కాల్పులు జరిపిన దుండగుడిని అదుపులోకి తీసుకున్నారు. అయితే దుండగుడి కాల్పులకు గల కారణాలపై పోలీసులు ఆరా తీస్తున్నారు.